వెంకటేశ్‌ నుంచి మంచి కామెడీ సినిమా వచ్చి… అది భారీ విజయాన్ని అందుకుని ఐదేళ్లు అయిపోయింది అంటే నమ్ముతారా? కానీ ఇది నిజం. ఎందుకంటే వెంకీ నుండి వచ్చిన ‘ఎఫ్‌ 2’ ఆఖరి హిట్‌ కామెడీ సినిమా. ‘ఫన్‌ అండ్‌ ఫ్రస్టేషన్‌’ అంటూ వచ్చి భారీ విజయాన్ని అందుకున్నారు. కుటుంబ కథా నాయకుడిగా తనకున్న పేరును మరోసారి నిరూపించారు. అయితే తర్వాత సీరియస్‌ పాత్రలను ఎంచుకుంటూ వచ్చారు. మధ్యలో ‘ఎఫ్‌ 3’ చేసినా అది ‘ఎఫ్‌ 2’ అంత విజయం ఇవ్వలేదు.
అయితే ఇప్పుడు పూర్తి స్థాయిలో నవ్వించడానికి మళ్లీ సిద్ధమవుతున్నారు. ఈ మేరకు తనకు ‘ఎఫ్‌ 2’ లాంటి ఫ్రాంచైని ఇచ్చిన అనిల్ రావిపూడితో ఓ సినిమా చేయాలని అనుకుంటున్నారట. అయితే ఈ సినిమా ‘ఎఫ్‌ 2’ సిరీస్‌లో ఉండదట. ఆ లైన్‌కి దూరంగా కొత్త తరహా కథతో నవ్వించాలని వెంకీ అనుకుంటున్నారట. ఈ సినిమాను దిల్‌ రాజు నిర్మిస్తారని సమాచారం. అన్నీ అనుకున్నట్లుగా జరిగితే త్వరలో సినిమా అనౌన్స్‌మెంట్‌ ఉంటుంది అంటున్నారు.
బాలకృష్ణ ‘భగవంత్ కేసరి’ సినిమా తర్వాత అనిల్ రావిపూడి చిరంజీవితో ఓ సినిమా చేస్తారని వార్తలొచ్చాయి. దిల్‌ రాజు నిర్మాణంలోనే ఆ సినిమా ఉంటుంది అన్నారు. కానీ ఈలోపు చిరంజీవి ‘విశ్వంభర’ ఓకే చేయడం, షూటింగ్‌లోకి త్వరలో అడుగుపెట్టడం లాంటివి ఉన్నాయి. దీంతో చిరు రెడీ అయ్యేలోపు వెంకీతో సినిమాను పూర్తి చేసే పనిలో ఉన్నారట. అయితే మరి త్రివిక్రమ్ దర్శకత్వంలో వెంకీ – నాని ప్రాజెక్టు అన్నారు ఆ సంగతేమైందో తెలియడం లేదు.
అలా అని వెంకీకి (Venkatesh) సీరియస్‌ పాత్రలు వర్కౌట్‌ కావు అని అనుకోనక్కర్లేదు. ‘ధర్మచక్రం’, ‘గణేశ్‌’, ‘జయం మనదేరా’, ‘నారప్ప’, ‘దృశ్యం’ లాంటివి ఆయన నుండి వచ్చి భారీ విజయాలు అందుకున్నాయి. కానీ ఇప్పుడు మాత్రం ఆయన నుండి కాస్త వినోదాన్ని ప్రేక్షకులు కోరుకుంటున్నారు. ‘సైంధవ్‌’ ఫలితం తర్వాత ఈ మేరకు వెంకీ మనసులో ఆలోచనలు ఉన్నాయి అని అంటున్నారు.
‘గుంటూరు కారం’ లో ఆకట్టుకునే డైలాగులు ఇవే.!
‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!
Home