అసురన్ లో ధనుష్ క్యారెక్టర్ కి వెంకటేష్ న్యాయం చేయగలడా!

వెంకటేష్ పేరు చెప్పగానే మనకు టక్కున గుర్తుకొచ్చే సినిమాలు “శీను, రాజా, సూర్యవంశం, నువ్వు నాకు నచ్చావ్”. ఇలా అన్నీ ఫ్యామిలీ ఆడియన్స్ ఎంజాయ్ చేయదగ్గ సినిమాలతోనే వెంకీ ఇప్పటివరకూ అలరించాడు. వెంకీ కాస్త నాటుగా కనిపించిన ఏకైక చిత్రం “జెమిని”. ఆ సినిమా డిజాస్టర్ అయ్యింది. రీసెంట్ గా “గురు” సినిమాలో రగ్గడ్ లుక్ తో మాత్రం ఆకట్టుకొన్నాడు వెంకీ మామ. ఇప్పుడు ఉన్నట్లుండి వెంకటేష్ “అసురన్” రీమేక్ లో నటించనున్నాడు అనే వార్తలు రావడంతో జనాలందరూ షాక్ అవుతున్నారు. ముఖ్యంగా వెంకీ వీరాభిమానులు అంత వయలెంట్ రోల్లో ఆయన్ను చూడగలమా అని తెగ ఆలోచించేస్తున్నారు.

నిజానికి వెట్రీమారన్-ధనుష్ ల కాంబినేషన్ లో వచ్చిన మోస్ట్ వయొలెంట్ & బ్లడీ ఫిలిమ్ “అసురన్”. ఈ చిత్రంలో ఏడిపించే సెంటిమెంట్ తోపాటు.. భయాన్ని కలిగించే యాక్షన్ సీక్వెన్స్ లు పుష్కలంగా ఉంటాయి. ముఖ్యంగా సినిమా క్లైమాక్స్ & ఇంటర్వెల్ బ్లాక్ మరో లేవల్లో ఉంటాయి. మరి సదరు సన్నివేశాలను తెలుగు నేటివిటీకి తగ్గట్లుగా టోన్ డౌన్ చేస్తారా? అలా చేస్తే సినిమాకి ఉన్న ఫీల్ పోతుంది. మరి వెంకీ ఈ “అసురన్” రీమేక్ విషయంలో ఎలాంటి డెసిషన్ తీసుకొంటాడో చూడాలీ.

విజిల్ సినిమా రివ్యూ & రేటింగ్!
30 ఏళ్ళు వచ్చినా పెళ్ళిచేసుకోని టాలీవుడ్ హీరోయిన్లు వీళ్ళే..!