తెలుగు చిత్ర పరిశ్రమలో మల్టీ స్టారర్ సినిమాలు చేయడానికి ముందుండే స్టార్ హీరో విక్టరీ వెంకటేష్. మహేష్ బాబుతో కలిసి సీతమ్మ వాకిట్లో సిరిమల్లె చెట్టు, పవన్ కళ్యాణ్ తో గోపాలా.. గోపాలా, కమల్ హాసన్ తో కలిసి “ఈనాడు” వంటి ప్రయోగాత్మక చిత్రాన్ని చేశారు. ఇప్పుడు మరో మల్టీస్టారర్ల సినిమా చేయబోతున్నట్లు ఫిల్మ్ నగర్ వాసులు చెబుతున్నారు. గురు సినిమా తర్వాత అనేక కథలు విన్న వెంకటేష్ .. ఏ కథకు ఒకే చెప్పలేదు. తాజాగా ఒక స్టోరీ కి ఒకే చెప్పినట్లు సమాచారం. సోగ్గాడే చిన్నినాయనా, రారండోయ్ వేడుక చూద్దాం వంటి చిత్రాలను డైరక్ట్ చేసిన కళ్యాణ్ కృష్ణ రీసెంట్ గా వెంకీకి ఒక కథ వినిపించారు. ఆ స్టోరీ వెంకటేష్ కి నచ్చడమే కాకుండా తనతో స్క్రీన్ షేర్ చేసుకునే యువ హీరో నాగ చైతన్య అయితే బాగుంటుందని కూడా సలహా ఇచ్చారంట.
దీంతో కళ్యాణ్ కృష్ణ చైతూకి కథ చెప్పడం అతను ఒకే చెప్పడం జరిగిపోయాయి. అంతేకాదు మేనమామతో ఎప్పుడెప్పుడు స్క్రీన్ షేర్ చేసుకుందామా? అని నాగచైతన్య ఎదురుచూస్తున్నట్లు తెలిసింది. చైతూ ప్రేమమ్ మూవీలో వెంకటేష్ కొన్ని క్షణాలు కనిపిస్తారు. అప్పుడు థియేటర్ విజిల్స్ తో నిండిపోయింది. మరి వీరిద్దరూ కలిసి నటించే సినిమా అక్కినేని, దగ్గుబాటి అభిమానులకు పండుగలా ఉంటుంది.
Also, do SUBSCRIBE to our YouTube channel to get latest Tollywood updates.
