గాయకుడిగా మారిన వెంకటేష్

మొన్న మెగాస్టార్ చిరంజీవి “తమ్ముడూ అరె తమ్ముడూ” అంటూ పాట పాడగా.. నిన్న నిర్మలా కాన్వెంట్ కోసం కింగ్ నాగార్జున కొత్త కొత్త భాష సాంగ్ అందుకున్నారు. నేడు మరో సీనియర్ హీరో విక్టరీ వెంకటేష్ గొంతు సవరించుకున్నారు. హిందీ, తమిళంలో బ్లాక్ బస్టర్ అయిన ‘సాలా ఖద్దూస్’ సినిమాను తెలుగులో ‘గురు’ పేరుతో రీమేక్ చేస్తున్నా సంగతి తెలిసిందే. ఇందులో వెంకటేష్ బాక్సింగ్ కోచ్ గా నటిస్తున్నారు. ఈ మూవీ ఒరిజినల్ వెర్షన్ కి దర్శకత్వం వహించిన సుధా కొంగర తెలుగు వెర్షన్ ను తెరకెక్కిస్తున్నారు. వెంకీ పుట్టినరోజు సందర్భంగా విడుదలయిన గురు టీజర్ ఫ్యాన్స్ లో జోష్ పెంచింది. వెంకటేష్ అభిమానులకి మరో శుభవార్త.

సాల్ట్ అండ్ పెప్పర్ లుక్ తో కండలు పెంచి ఆకట్టుకున్న వెంకటేష్ ఈ మూవీలో ఓ పాట పాడారు. రీసెంట్ గా ఆ సాంగ్ రికార్డింగ్ కూడా పూర్తి అయింది.  సంగీత దర్శకుడు సంతోష్ నారాయణ్ కంపోజ్ చేసిన “జిగిడ జిగిడ” అనే పాటను వెంకీ హుషారుగా ఆలపించినట్లు తెలిసింది. ఈ సాంగ్ త్వరలో యూట్యూబ్ లో రిలీజ్ కానుంది.  వై నాట్ స్టూడియో బ్యానర్లో శశికాంత్ నిర్మిస్తున్న ఈ మూవీ  ఏప్రిల్ లో రిలీజ్ కానుంది.

Also, do SUBSCRIBE to our YouTube channel to get latest Tollywood updates