Dhanush, Pooja Hegde: ధనుష్ మరో తెలుగు మూవీ.. మంచి కాంబోనే ఇది..!

మెగా హీరో వరుణ్ తేజ్ తో ‘తొలిప్రేమ‌’ అనే చిత్రాన్ని తెరకెక్కించి.. దర్శకుడిగా చేసిన మొదటి చిత్రంతోనే సూపర్ హిట్ ను తన ఖాతాలో వేసుకున్నాడు వెంకీ అట్లూరి. అయితే అటు తర్వాత చేసిన ‘మిస్ట‌ర్ మ‌జ్ను’ డిజాస్టర్ కాగా.. ‘రంగ్‌ దే’ చిత్రం యవరేజ్ రిజల్ట్ తో సరిపెట్టుకుంది.అయితే ఇటీవల అతను హీరో ధ‌నుష్ కు ఓ కథ చెప్పి ప్రాజెక్టు ఓకే చేయించుకున్నట్టు కొద్దిరోజులుగా ప్రచారం జరుగుతుంది.

శేఖర్ కమ్ముల దర్శకత్వంలో ఓ మూవీ చేయడానికి రెడీ అయిన ధనుష్… అటు తర్వాత వెంకీ అట్లూరి దర్శకత్వంలో కూడా ఓ మూవీ చేయబోతున్నాడన్న మాట.దీనిని ‘సితార ఎంటర్టైన్మెంట్స్’ బ్యానర్ వారు నిర్మించే అవకాశాలు కనిపిస్తున్నాయి. ఈ చిత్రంలో హీరోయిన్ గా పూజా హెగ్డే ఖరారైనట్టు తెలుస్తుంది. వీళ్ళిద్దరి పారితోషికాలకే నిర్మాతకి రూ.40 కోట్ల వరకు ఖర్చు అవుతుందనేది ఇన్సైడ్ టాక్. మరి సినిమా పూర్తయ్యేసరికి ఇంకెంత బడ్జెట్ అవుతుందనేది మీ ఊహకే వదిలేస్తున్నాము.

విద్యా వ్య‌వ‌స్థను బాగు చేయ‌డానికి త‌పించే ఓ యువకుడి క‌థ‌తో ఈ మూవీ తెరకెక్కుతుందట.అలాగే మరో పక్క మంచి ప్రేమ కథ కూడా ఉంటుందని తెలుస్తోంది. ప్రస్తుతం ధనుష్ కమిట్ అయిన మూడు సినిమాలు పూర్తయ్యాక ఈ ప్రాజెక్టు మొదలయ్యే అవకాశాలు కనిపిస్తున్నాయి.తెలుగు, తమిళ భాషల్లో ఏకకాలంలో ఈ మూవీ తెరకెక్కనుంది.త్వరలోనే ఈ ప్రాజెక్టుకి సంబంధించి అధికారిక ప్రకటన కూడా రానుందని వినికిడి.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!