‘వెంకీ మామ’ నుండీ డైరెక్టర్ బాబీ అవుట్..!

వెంకటేష్- నాగచైతన్య కాంబినేషన్లో ‘వెంకీ మామ’ అనే చిత్రం తెరకెక్కబోతున్న సంగతి తెలిసిందే. ‘పవర్’ ‘సర్దార్ గబ్బర్ సింగ్’ ‘జై లవ కుశ’ వంటి చిత్రాలను డైరెక్ట్ చేసిన బాబీ ఈ చిత్రాన్ని డైరెక్ట్ చేయాల్సి ఉంది. అయితే ఈ చిత్రానికి సంబంధించి రోజుకో వార్త పుట్టుకొస్తుంది. ఈ చిత్రం షూటింగ్ ఈ మధ్యనే మొదలయ్యిందనీ.. మొదట నాగ చైతన్య ఈ షూటింగ్ లో పాల్గొంటున్నారనీ తాజాగా వెంకటేష్ కూడా జాయిన్ అయినట్టు వార్తలొచ్చాయి. అయితే ఈ చిత్రానికి సంబంధించి మరో వార్త బయటకొచ్చింది.

అసలు ఈ చిత్రం షూటింగ్ ఇంకా మొదలు కాలేదంట. దీనికి అసలు కారణం నిర్మాత సురేష్ బాబు అని టాక్. దర్శకుడు బాబీ చెప్పిన పాయింట్ లో నిర్మాత సురేష్ బాబు కొన్ని మార్పులు చెప్పారంట. అయితే వాటిని డెవలప్ చేయడంలో బాబీ ఐడియాలు సురేష్ బాబుకు నచ్చట్లేదంట. తాగాజా సమాచారం ప్రకారం దర్శకుడు బాబీ ఈ ప్రాజెక్ట్ నుండీ బయటకు వచ్చేయాలని ట్రై చేస్తున్నట్టు తెలుస్తోంది. మరి ఇది ఎంత వరకూ నిజమో తెలియాలంటే మరికొన్ని రోజులు వేచి చూడక తప్పదు.