Vijay: విజయ్- త్రిష.. ఆస్తుల విలువ ఎంతో తెలుసా?

May 5, 2026 / 02:22 PM ISTByPhani Kumar

Join Us

తమిళనాడు అసెంబ్లీ ఎన్నికల్లో దళపతి విజయ్(Vijay) సృష్టించిన సునామీ కోలీవుడ్, పాలిటిక్స్ వర్గాలను షేక్ చేస్తోంది. సొంతంగా పార్టీ పెట్టి తొలి ప్రయత్నంలోనే ఏకంగా 108 సీట్లు సాధించి.. అతిపెద్ద పార్టీగా అవతరించడం ఇప్పుడు దేశవ్యాప్తంగా హాట్ టాపిక్.

Vijay

మేజిక్ ఫిగర్‌ (118)కు పది సీట్ల దూరంలో నిలిచి హంగ్ ఏర్పడటంతో.. విజయ్ ఎవరితో పొత్తు పెట్టుకుంటారనే ఉత్కంఠ నడుస్తోంది.సరిగ్గా ఈ ఎలక్షన్ రిజల్ట్స్ రోజే సౌత్ క్వీన్ త్రిష తన 44వ పుట్టినరోజు జరుపుకోవడం, తిరుమల దర్శనం తర్వాత నేరుగా వెళ్లి విజయ్‌కి అభినందనలు తెలపడంతో నెట్టింట వీరిద్దరి హ్యాష్‌టాగ్‌లు ట్రెండ్ అవుతున్నాయి.

ఈ సెన్సేషన్ మధ్య.. రాజకీయంగానే కాకుండా వందల కోట్లలో ఉన్న వీరిద్దరి ఆస్తుల లెక్కల గురించి ఇప్పుడు నెటిజన్లు గూగుల్‌లో సెర్చ్ చేస్తున్నారు.ముఖ్యమంత్రి పీఠానికి అత్యంత చేరువలో ఉన్న విజయ్.. ఈ ఎన్నికల బరిలోకి దిగుతూ ఈసీ (EC)కి సబ్మిట్ చేసిన అఫిడవిట్ చూస్తే ఎవరికైనా ఫ్యూజులు ఔట్ అవ్వాల్సిందే.

ఆ లెక్కల ప్రకారం విజయ్ మొత్తం ఆస్తుల విలువ ఏకంగా రూ.624 కోట్లు. ఇందులో బ్యాంకు బ్యాలెన్స్, షేర్స్, లగ్జరీ కార్ల రూపంలో ఉన్న చరాస్తులు రూ.404.58 కోట్లు కాగా.. చెన్నైలోని సాలిగ్రామం, నీలాంకరై లాంటి కాస్ట్లీ ఏరియాల్లో ఉన్న బంగ్లాలు, కమర్షియల్ కాంప్లెక్స్‌ల (స్థిరాస్తుల) విలువ రూ.220.15 కోట్లుగా చూపించారు.

కేవలం ఆస్తులే కాదు.. విజయ్ పేరిట 883 గ్రాముల గోల్డ్ ఉండగా, ఆయన భార్య సంగీత పేరిట సుమారు 3 కేజీల వరకు బంగారం, డైమండ్స్ ఉన్నట్లు అఫిడవిట్‌లో తేలింది. ‘రోల్స్ రాయిస్ ఘోస్ట్’ దగ్గరి నుంచి ఆడి, బీఎమ్‌డబ్ల్యూ లాంటి ప్రపంచస్థాయి కార్లు అతని గ్యారేజీలో ఉన్నాయి. ఇక 2024-25 ఫైనాన్షియల్ ఇయర్‌కు సంబంధించి తన యాన్యువల్ ఇన్‌కమ్ ఏకంగా రూ.184.53 కోట్లుగా ఈ టీవీకే అధినేత ప్రకటించడం గమనార్హం.

మరోవైపు ఎన్నికల ప్రచారంలో విజయ్ పార్టీకి పరోక్షంగా భారీ మద్దతు తెలిపిన త్రిష ఆస్తులు కూడా తక్కువేం కాదు. రెండు దశాబ్దాలుగా ఇండస్ట్రీని ఏలుతున్న ఆమె ఆస్తుల వివరాలు అఫీషియల్‌గా బయటకు రాకపోయినా, ట్రేడ్ వర్గాల అంచనా ప్రకారం త్రిష నెట్ వర్త్ రూ.100 కోట్లకు పైనే ఉంటుందట. ప్రస్తుతం ఒక్కో సినిమాకు రూ.5 నుంచి 10 కోట్ల వరకు రెమ్యునరేషన్ డిమాండ్ చేస్తున్న ఈ బ్యూటీకి.. చెన్నైలో రూ.7 కోట్ల విలువైన లగ్జరీ హౌస్, “మెర్సిడెస్ బెంజ్ ఎస్-క్లాస్” లాంటి కాస్ట్లీ కార్లు ఉన్నాయి.