“నీకు అనవసరంగా అవార్డ్ ఇచ్చారు” అని రష్మిక అలియాస్ గీత అంటే.. వెంటనే దానికి కౌంటర్ గా మన విజయ్ దేవరకొండ అలియాస్ గోవింద్ “నీకంటే అవార్డ్ అంత ఇంపార్టెంట్ ఏం కాదులే” అని రిప్లై ఇచ్చాడు. ఈ ట్వీట్ల సమరం ఒక అరగంటపాటు సాగింది.. ఇద్దర్ని ఫాలో అవుతున్న నెటిజన్లకు మొదట్లో ఏమీ అర్ధం కాలేదు, ఆ ట్వీట్ల ఫ్లో కాస్త ఎక్కువయ్యేసరికి ఈ గోలేంట్రా బాబు అనుకొన్నారు. కట్ చేస్తే.. రాత్రికల్లా క్లారిటీ వచ్చింది.. విషయం ఏంట్రా అంటే ఇద్దరూ సినిమా ప్రమోషన్ కోసం ఈ గోల చేశారని.
విజయ్ దేవరకొండ, రష్మిక మండన్నా జంటగా “యువత” ఫేమ్ పరశురామ్ దర్శకత్వంలో తెరకెక్కుతున్న చిత్రం “గీత గోవిందం”. గీతా ఆర్ట్స్ 2 పతాకంపై తెరకెక్కుతున్న ఈ చిత్రానికి బన్నీవాసు నిర్మాత. క్యూట్ లవ్ స్టోరీగా తెరకెక్కుతున్న ఈ చిత్రం షూటింగ్ మొదలై సంవత్సరమవుతోంది. ఎట్టకేలకు జూన్ 23న ఫస్ట్ లుక్ విడుదల చేయనున్నారు. అందుకే కాస్త బజ్ క్రియేట్ చేయడం కోసం ఇలా ట్విట్టర్ ను కాసేపు హల్ చల్ చేశారు. ప్లానింగ్ బాగుంది మరి సినిమా సంగతేంటో చూడాలి.
Home