ఇంకో కమెడియన్ ను ఇంట్రడ్యూస్ చేస్తున్న విజయ్ దేవరకొండ!

హిట్, ఫ్లాప్ తో సంబంధం లేకుండా కేవలం తన యాటిట్యూడ్ తో సూపర్ స్టార్ డమ్ సొంతం చేసుకొన్న కథానాయకుడు విజయ్ దేవరకొండ. విజయ్ నటించిన “నోటా” డిజాస్టర్ అయినప్పటికీ.. అతడి తాజా చిత్రమైన “టాక్సీవాలా” క్రేజ్ ఏమాత్రం తగ్గలేదు. ఆ సినిమా విడుదలకు ఏకంగా అయిదు నెలల ముందే లీక్ అవ్వడం గమనార్హం. అయితే.. ఇప్పుడు విజయ్ దేవరకొండ గురించి మాట్లాడుకోవడానికి ముఖ్యకారణం ఏంటంటే.. విజయ్ దేవరకొండ తాను ఎదగడంతోపాటు, తన స్నేహితుల ఎదుగుదలను కూడా దృష్టిలో పెట్టుకొని ముందుకు సాగుతున్నాడు విజయ్. “పెళ్లి చూపులు” చిత్రంతో తన స్నేహితుడు ప్రియదర్శిని కమెడియన్ గా పరిచయం చేసిన విజయ్..

అనంతరం “అర్జున్ రెడ్డి” చిత్రంతో రాహుల్ రామకృష్ణను హీరో ఫ్రెండ్ గా పరిచయం చేశాడు. ఆ ఇద్దరూ ప్రస్తుతం హీరో ఫ్రెండ్ రోల్స్ కి కేరాఫ్ అడ్రెస్ అయిపోయారు. ఇప్పుడు అదే తరహాలో తన మరో స్నేహితుడ్ని “టాక్సీవాలా” చిత్రంతో తెలుగు తెరకు పరిచయం చేస్తున్నాడు విజయ్ దేవరకొండ. టాక్సీవాలాలో హాలీవుడ్ అనే పాత్రతో విజయ్ దేవరకొండ స్నేహితుడు అలరించనున్నాడట. మరి ప్రియదర్శి, రాహుల్ రామకృష్ణ తరహాలో ఈ సరికొత్త స్నేహితుడు కూడా బిజీ అయిపోతాడేమో చూడాలి.