‘జీతూ’ గా విజయ్ సేతుపతి లుక్

రజినీ కాంత్ 165 వ చిత్రం గా తెరకెక్కుతోన్న చిత్రం ‘పేటా’. త్రిష, సిమ్రాన్ హీరోయిన్లుగా నటిస్తోన్న ఈ చిత్రాన్ని కార్తిక్ సుబ్బరాజ్ దర్శకత్వం వహిస్తున్నాడు. ఈ చిత్రంలో విజయ్ సేతుపతి కీలక పాత్రలో కనిపించబోతున్నాడు. విభిన్న కధలు ఎంచుకుంటూ ప్రేక్షకులని అలరిస్తున్నాడు విజయ్ సేతుపతి. ఒక పక్క హీరోగా నటిస్తూనే.. మల్టీ స్టారర్ చిత్రాల్లోనూ నటిస్తున్నాడు విజయ్ సేతుపతి. తెలుగులో మెగాస్టార్ చిరంజీవి హీరోగా తెరకెక్కుతున్న ‘సైరా నరసింహ రెడ్డి’ చిత్రంలో కూడా ప్రత్యేక పాత్రలో కనిపించబోతున్నాడు.

తాజాగా ‘పేటా’ నుండీ విజయ్ సేతుపతి లుక్ ను విడుదల చేసింది చిత్ర యూనిట్. విజయ్ సేతుపతి ఈ సినిమాలో ‘జీతూ’ అనే పాత్రలో కనిపించబోతున్నాడు. దాదాపు షూటింగ్ పూర్తి చేసుకున్న ఈ చిత్రం సంక్రాంతి కానుకగా ప్రేక్షకుల ముందుకి రానుంది. అనిరుద్ సంగీత దర్శకత్వం అందిస్తున్న ఈ చిత్రాన్ని సన్ పిక్చర్స్ సంస్ద నిర్మిస్తుంది. నవాజుద్దీన్ సిద్ధిఖీ, బాబీ సింహా కూడా ఈ చిత్రంలో కీలక పత్రాలు పోషిస్తున్నారు.