Vijay Sethupathi: సమంతను మించి విజయ్ పాత్ర ఉండనుందా..?

June 21, 2021 / 10:02 AM ISTByFilmy Focus

Join Us

Vijay Sethupathi: సమంతను మించి విజయ్ పాత్ర ఉండనుందా..?

ఈ మధ్య కాలంలో భాషతో సంబంధం లేకుండా అన్ని భాషల్లో విజయ్ సేతుపతి పాపులారిటీని, అభిమానులను సంపాదించుకుంటున్నారు. ఉప్పెన సినిమాలోని రాయనం పాత్రతో తెలుగు ప్రేక్షకులకు విజయ్ సేతుపతి చేరువయ్యారు. విజయ్ సేతుపతికి కొత్త సినిమా ఆఫర్లు వస్తున్నప్పటికీ వరుస సినిమాలతో బిజీగా ఉండటం వల్ల చాలా సినిమాలను విజయ్ సేతుపతి రిజెక్ట్ చేస్తున్నట్టు తెలుస్తోంది. తెలుగులో స్టార్ హీరోల సినిమాల్లో విజయ్ సేతుపతికి ఆఫర్లు వస్తున్నట్టు సమాచారం. అయితే ఫ్యామిలీ మ్యాన్ సీజన్2 పాజిటివ్ టాక్ ను సొంతం చేసుకోవడంతో పాటు సమంత చేసిన రాజీ పాత్రకు మంచి పేరు వచ్చిన సంగతి తెలిసింది.

సీజన్ 2కు కొనసాగింపుగా ఫ్యామిలీ మ్యాన్ సీజన్ 3 ఉండనుందని సీజన్ 3లో విలక్షణ నటుడు విజయ్ సేతుపతి నటించే అవకాశాలు ఉన్నాయని తెలుస్తోంది. రాజ్ అండ్ డీకే ఇప్పటికే ఫ్యామిలీ మ్యాన్ సీజన్ 3 పనులు మొదలుపెట్టారని సమాచారం. విజయ్ నటిస్తే ఫ్యామిలీ మ్యాన్ సీజన్ 3పై మరింత అంచనాలు పెరుగుతాయని మేకర్స్ భావిస్తున్నట్టు ఇండస్ట్రీ వర్గాల్లో వినిపిస్తోంది. అయితే వైరల్ అవుతున్న వార్తలపై అధికారిక ప్రకటన రావాల్సి ఉంది.

ఒకవేళ విజయ్ సేతుపతి ఈ వెబ్ సిరీస్ కు ఓకే చెబితే సమంత పాత్రను మించి విజయ్ పాత్రను క్రియేట్ చేయాలని రాజ్ అండ్ డీకే భావిస్తున్నారు. మరి విలక్షణ నటుడు ఈ పాత్రకు ఓకే చెబుతారో నో చెబుతారో చూడాల్సి ఉంది. ఎన్టీఆర్ ప్రశాంత్ నీల్ కాంబినేషన్ లో విలన్ గా విజయ్ సేతుపతి నటిస్తారని వార్తలు వస్తుండగా ఈ వార్త గురించి మైత్రీ మూవి మేకర్స్, విజయ్ సేతుపతి ఇప్పటివరకు స్పందించలేదు.