దళపతి విజయ్ హీరోగా దర్శకుడు లోకేష్ కనగరాజ్ తెరకెక్కిస్తోన్న సినిమా ‘లియో’. ఇటీవలే ఈ సినిమాకి సంబంధించిన టైటిల్ టీజర్ ని విడుదల చేశారు. ఈ సినిమా లోకేష్ సినిమాటిక్ యూనివర్స్ లో భాగమని తెలుస్తోంది. ఈ సినిమాతో కార్తి ‘ఖైదీ’, కమల్ హాసన్ ‘విక్రమ్’కి కనెక్షన్ ఉంటుంది. అయితే లోకేష్ తన సినిమాలో పాత్రలను రాసుకునేప్పుడు ఆ పాత్రకి తగ్గట్లు ముందుగా ఓ పేరు పెట్టుకుంటారు. దాన్ని జంతువులతో పోలుస్తారు. ‘విక్రమ్’ సినిమాలో కమల్ అండ్ ఆయన స్పై టీమ్ ని ‘ఈగెల్’తో పోల్చారు.
అలానే ఈ సినిమాలో సూర్య రోలెక్స్ క్యారెక్టర్ ని స్కార్పియోతో పోల్చారు. ఇక తాజాగా వచ్చిన ‘లియో’ టీజర్ లో విజయ్ ని సింహంగా అభివర్ణించారు. విజయ్ సేతుపతి పాత్రను పాముతో పోల్చారు. అయితే టీజర్ లో పాము తల తెగిపోతుంది. దీంతో ‘లియో’లో విజయ్ సేతుపతి పాత్ర ఉండదని వార్తలొచ్చాయి. ఎందుకంటే ‘విక్రమ్’లో విజయ్ సేతుపతి చనిపోయినట్లు చూపిస్తారు. అందుకే ‘లియో’లో విజయ్ సేతుపతి పాత్ర ఉండదని అభిమానులు అనుకున్నారు.
అయితే తాజాగా అందుతున్న సమాచారం ప్రకారం.. ‘లియో’లో విజయ్ సేతుపతి పాత్ర కొనసాగుతుందని తెలుస్తోంది. ‘లియో’ మూవీ డైలాగ్ రైటర్ రత్నకుమార్ చేసిన ఒక పోస్ట్ ఈ విషయాన్ని తెలియజేస్తుంది. ఎందుకంటే ఆయన ‘విక్రమ్’ సినిమాలో విజయ్ సేతుపతి ధరించిన విరిగిపోయిన కళ్లజోడుని పోస్ట్ చేశారు. దీన్ని బట్టి ఆయన ‘లియో’ సినిమాలో విజయ్ సేతుపతి పాత్ర కొనసాగుతుందని చెప్పకనే చెప్పారు.
ఇది చూసిన అభిమానులు ఈ ఫొటోను ట్రెండ్ చేస్తూ సోషల్ మీడియాలో హడావిడి చేస్తున్నారు. త్వరలోనే ఈ విషయంపై అధికార ప్రకటన వచ్చే అవకాశం ఉంది. ఈ సినిమాలో సంజయ్ దత్, అర్జున్, గౌతమ్ మీనన్, ప్రియా ఆనంద్ వంటి వారు కీలకపాత్రలు పోషిస్తున్నారు.
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
