Vijay Thalapathy: విజయ్ ఆఖరి సినిమాకు మొదటి టైటిల్.. కొత్తగా ఉందే..!

తమిళ సినీ పరిశ్రమలో ప్రస్తుత హాట్ టాపిక్‌గా మారిన విజయ్‌ (Vijay Thalpathy)  69వ సినిమాపై భారీ అంచనాలు ఉన్నాయి. ఈ సినిమా విజయ్‌ కెరీర్‌లో చివరి చిత్రం కావొచ్చనే ఊహాగానాలు ఊపందుకున్నాయి. అదీ కాక, ఈ సినిమా కథ తెలుగులో బ్లాక్‌బస్టర్ అయిన ‘భగవంత్‌ కేసరి’కి (Bhagavath Kesari) రీమేక్‌ అని సమాచారం. తెలుగులో విజయవంతమైన ఈ కథను తమిళ ప్రేక్షకుల అభిరుచికి తగ్గట్టుగా దర్శకుడు వినోథ్ (H Vinoth)  స్క్రీన్‌ప్లేలో మార్పులు చేసి రూపొందిస్తున్నట్లు తెలుస్తోంది. ఈ సినిమా టైటిల్ విషయంలో మరో ఆసక్తికర విషయం వెలుగులోకి వచ్చింది.

Vijay Thalapathy

విజయ్‌ (Vijay Thalapathy) నటించిన మొదటి చిత్రం టైటిల్ ‘నాలయ తీర్పు’ (తెలుగులో రేపటి తీర్పు) అని, అదే పేరును ఈ చివరి చిత్రానికి పెట్టే ఆలోచనలో మేకర్స్ ఉన్నారని సమాచారం. ఈ టైటిల్‌ కేవలం కథకు సరిపోయేలా కాకుండా, విజయ్‌ కెరీర్‌కు భావోద్వేగ పునాది కూడా అవుతుందనే ఉద్దేశ్యంతో తీసుకున్నట్లు తెలుస్తోంది. మొదటి సినిమా టైటిల్‌నే చివరి సినిమాకు పెట్టడం అభిమానులను ఎంతగానో ఆకట్టుకునే అంశమవుతుంది. ఈ చిత్రంలో కథానాయికగా పూజా హెగ్డే (Pooja Hegde) నటిస్తుండగా, మలయాళ నటి మమిత బైజు  (Mamitha Baiju)  కీలక పాత్రలో కనిపించనున్నారు.

తెలుగు వెర్షన్‌లో శ్రీలీల (Sreeleela)  పోషించిన పాత్రను మమిత తలపించబోతున్నారు. ఇదే కాకుండా ఈ సినిమాకు సంబంధించి మరిన్ని ఆసక్తికరమైన వివరాలు త్వరలోనే విడుదల కానున్నాయి. కోలీవుడ్ సినీ వర్గాల సమాచారం ప్రకారం, ఈ చిత్రం విజయ్‌ కెరీర్‌లో మరో మైలురాయిగా నిలవనుంది. ఇక ఈ చిత్రానికి ‘నాలయ తీర్పు’ అనే టైటిల్ పరిశీలించడానికి మరో ప్రత్యేక కారణం ఉంది. విజయ్‌ తొలి చిత్రం ఈ టైటిల్‌తో ఉండటం అభిమానుల్లో ఓ నోస్టాల్జిక్ కనెక్షన్ తీసుకురాగలదని భావిస్తున్నారు.

తన సినీ ప్రయాణాన్ని ఒక మలుపుగా చూపేలా ఈ టైటిల్‌ కచ్చితంగా విజయ్‌ అభిమానుల హృదయాలను తాకుతుందనే నమ్మకం ఉంది. టైటిల్‌, టీజర్‌తో సినిమా ప్రమోషన్‌ను త్వరలోనే ప్రారంభించనున్నారు. ఇంతటి భారీ అంచనాల నడుమ రూపొందుతున్న ఈ చిత్రం విజయ్‌ (Vijay Thalapathy) కెరీర్‌కు ఎలాంటి ఫలితాన్ని ఇస్తుందో చూడాల్సి ఉంది. కథ, టైటిల్, సెంటిమెంట్ అన్నీ కలిసొస్తే ఈ చిత్రం విజయ్‌కి నిజంగా మరో పెద్ద విజయం అవుతుందని ఫ్యాన్స్ ఆశిస్తున్నారు.

ఇదేం దిక్కుమాలిన క్వశ్చన్ రా బాబు.. ‘కె.పి.హెచ్.బి’ ఆంటీ అంటూ..!