మాస్టర్ మూవీలో క్లైమాక్స్ పోరు ఓ రేంజ్ లో ఉంటుందట..!

పోస్టర్స్ తోనే సినిమాపై హీట్ పెంచేస్తున్నాడు తమిళ స్టార్ హీరో విజయ్. ఆయన లేటెస్ట్ మూవీ మాస్టర్ పై అంచనాలు భారీగా ఉన్నాయి. విడుదల అవుతున్న ఒక్కొక్క పోస్టర్ వైవిధ్యంగా ఆసక్తి రేపుతోంది.మాస్టర్ చిత్రాన్ని కార్తీ హీరోగా ఖైదీ లాంటి బ్లాక్ బస్టర్ హిట్ తెరకెక్కించిన దర్శకుడు లోకేష్ కనగరాజ్ రూపొందిస్తున్నాడు. ఇక ఈ చిత్రంలో విజయ్ మెదటి సారి మాఫియా డాన్ మరియు ఓ కాలేజీ ప్రొఫెసర్ గా రెండు భిన్న అవతారాలలో కనిపిస్తారని సమాచారం.

నిన్న రిపబ్లిక్ డే కానుకగా ఈ మూవీ నుండి థర్డ్ పోస్టర్ విడుదల చేశారు. విజయ్ మరియు విజయ్ సేతుపతి ఒకరిపై ఒకరు గర్జిస్తున్నట్లున్న ఆ పోస్టర్ ఫ్యాన్స్ కి గూస్ బమ్స్ కలిగించేదిగా ఉంది. విజయ్ సేతుపతి ఈ చిత్రంలో విలన్ రోల్ చేస్తుండగా వీరిద్దరి మధ్య రైవల్రీ ఆకట్టుకుందని సమాచారం. రక్త సిక్తమైన శరీరాలతో ఉన్న వీరి లుక్స్ చూస్తుంటే విజయ్ మరియు విజయ్ సేతుపతి ల మధ్య భీకరమైన క్లైమాక్స్ పోరు ఉంటుందని తెలుస్తుంది. గ్జివిఆర్ బ్రిట్టో నిర్మాతగా తెరకెక్కుతున్న ఈ చిత్రానికి అనిరుధ్ సంగీతం అందిస్తున్నారు.

డిస్కో రాజా సినిమా రివ్యూ & రేటింగ్!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!