నందమూరి బాలకృష్ణ ప్రస్తుతం బోయపాటి శ్రీను దర్శకత్వంలో ‘అఖండ’ అనే చిత్రం చేస్తున్న సంగతి తెలిసిందే. ఇటీవలే షూటింగ్ కంప్లీట్ చేసుకున్న ఈ చిత్రం ప్రస్తుతం పోస్ట్ ప్రొడక్షన్ పనులను జరుపుకుంటుంది. డిసెంబర్లో విడుదల చేయాలని చిత్ర బృందం సన్నాహాలు చేస్తుంది. అనంతరం గోపీచంద్ మలినేని దర్శకత్వంలో సినిమా చేయడానికి బాలయ్య రెడీ అవుతున్నాడు. ‘మైత్రి మూవీ మేకర్స్’ వారు నిర్మించబోతున్న ఈ చిత్రానికి సంబంధించి ఆల్రెడీ అధికారిక ప్రకటన వచ్చింది.
తమన్ సంగీత దర్శకుడిగా ఎంపికైనట్టు కూడా ప్రకటించారు. స్క్రిప్ట్ కూడా ఫైనల్ అయిపోయింది. ఒక్కసారి సెట్స్ పైకి వెళ్తే.. 4 నెలల్లో షూటింగ్ పూర్తయ్యేలా ప్లాన్ చేస్తుంది చిత్ర బృందం. ఇదిలా ఉండగా.. ఈ చిత్రంలో విలన్ గా ఎవర్ని తీసుకోబోతున్నారు అనే చర్చ చాలా రోజుల నుండీ జరుగుతుంది. బాలయ్యని ఢీకొట్టే విలన్ చాలా పవర్ ఫుల్ గా ఉండాలి. మొదట ఈ చిత్రంలో లేడీ విలన్ గా వరలక్ష్మీ శరత్ కుమార్ నటించబోతున్నట్టు కథనాలు వినిపించాయి. కానీ మేకర్స్ ఇంకా కన్ఫర్మ్ చేయలేదు.
అయితే ఇప్పుడు ఈ చిత్రంలో ఓ సీనియర్ హీరో విలన్ గా నటించబోతున్నట్టు తెలుస్తుంది. అతను మరెవరో కాదు మన యాక్షన్ కింగ్ అర్జున్. ఆల్రెడీ దర్శకుడు అర్జున్ ను సంప్రదించడం అతను ఓకే చెప్పడం జరిగిపోయాయట. అయితే అర్జున్ సెకండ్ ఇన్నింగ్స్ స్టార్ట్ చేసిన తర్వాత తెలుగులో నటించిన సినిమాలు ఒక్కటి కూడా హిట్ అవ్వలేదు. ‘శ్రీ ఆంజనేయం’ ‘రామ రామ కృష్ణ కృష్ణ’ ‘లై’ ‘నా పేరు సూర్య’ ఇలా అన్నీ ప్లాప్ లే..!
Most Recommended Video
సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్ టాప్ భామల రెమ్యూనరేషన్ ఎంతంటే?
