శ్రీరెడ్డి పై సంచలన కామెంట్స్ చేసిన విశాల్!

నటి శ్రీరెడ్డి ఆవేదనతో మాట్లాడుతుందో.. ఆవేశంతో మాట్లాడుతుందో తెలియదు గానీ తనకి ఇష్టమొచ్చినట్లు మాట్లాడుతుంది. ఇతర జీవితాల్లోకి ప్రవేశించి వారి పరువు తీయడానికి ప్రయత్నిస్తోంది. తాజాగా నేచుర‌ల్ స్టార్ నాని తనతో శరీరకసంబంధం పెట్టుకున్నారని అసభ్య పదజాలంతో పోస్ట్ లు చేసి వివాదాలకు తెరలేపింది. దీనిపై నాని లీగల్ నోటీసులు కూడా పంపించారు. అలాగే నాని భార్య కూడా ఆవేదన వ్యక్తం చేసింది. తాజాగా ఈ వివాదంపై హీరో విశాల్‌ స్పందించాడు. అతను నటించిన “అభిమన్యుడు” విజ‌యోత్స‌వ యాత్రలో భాగంగా విశాల్ మాట్లాడుతూ..  “నాకు నాని చాలా కాలంగా తెలుసు. అత‌ను నాకు మంచి స్నేహితుడు.

అంత‌ మాత్రాన నేను అత‌డిని స‌మ‌ర్థించ‌ను. తాజాగా నానిపై శ్రీరెడ్డి చేసిన ఆరోప‌ణ‌లు వివాదాస్పదంగా ఉన్నాయి. నాని గురించి తెలిసిన వాళ్లంద‌రికీ అత‌ని ప్ర‌వ‌ర్త‌న ఎలా ఉంటుందో తెలుసు. ఏదో ప‌బ్లిసిటీ కోసం ఆరోప‌ణ‌లు చేయ‌డం కాకుండా, ఆమె వ‌ద్ద ఏమైనా ఆధారాలు ఉంటే బ‌య‌ట‌పెట్టాలి. ఇదంతా చూస్తుంటే ఒక‌రి త‌ర్వాత ఒక‌రిపై ఆమె వ్య‌క్తిగ‌త ఆరోపణలు చేస్తున్న‌ట్టుగా అనిపిస్తుంది. పోనుపోనూ ఆమె నన్ను కూడా టార్గెట్‌ చేస్తుందేమో.” అని ఆందోళన వ్యక్తం చేశారు. ఇంకా మాట్లాడుతూ ” సినీ పరిశ్రమలో క్యాస్టింగ్‌ కౌచ్‌ ఉందనేది వాస్తవం. కానీ దానిని సాకుగా చూపి ప్రముఖులపై ఆరోపణలు చేయడం సరైన పద్దతి కాదు” అని అభిప్రాయాన్ని వ్యక్తం చేశారు.