దర్శకుడు అవ్వాలని విశాల్ కొన్నేళ్లుగా అనుకుంటూ ఉన్నారు. దానికి సంబంధించి కథలు కూడా సిద్ధం చేస్తున్నారని సమాచారం. అయితే తాజాగా ఓ విషయం చెప్పుకొచ్చారు. తను దర్శకత్వం వహించడానికి రెడీ అని.. అయితే అది తను హీరోగా నటించే సినిమాకు కాదని అంటున్నారు. సహాయ దర్శకుడిగా ప్రయాణం మొదలుపెట్టిన విశాల్.. ఆ తర్వాత కథానాయకుడిగా మారారు. ఇప్పుడు త్వరలోనే దర్శకత్వం చేసేందుకూ రంగం సిద్ధం చేసుకుంటున్నారు. విశాల్ తను ఎంతగానో అభిమానించే కథానాయకుడు విజయ్‌కి కథ చెప్పి,
ఆయన సినిమాకీ దర్శకత్వం వహిస్తాను అని చెప్పారు విశాల్. ఈ మధ్య విజయ్‌తో కలిసి నటించే అవకాశం విశాల్‌కి వచ్చింది. లోకేశ్‌ కనగరాజ్‌ దర్శకత్వం వహిస్తున్న సినిమాలోని ఓ కీలక పాత్ర కోసం విశాల్‌ని సంప్రదించారు. అయితే కొన్ని కారణాల వల్ల విశాల్ ఆ సినిమాను అంగీకరించలేదట. అయితే విజయ్‌తో కచ్చితంగా సినిమా చేస్తానని.. అది దర్శకుడిగా ఉంటుందని చెప్పుకొచ్చారు విశాల్. లోకేశ్‌ కనగరాజ్‌ విజయ్‌ సినిమా కోసం నన్ను కలసి స్క్రిప్ట్‌ చెప్పిన మాట నిజమే.
కానీ, ఆయన సినిమా కోసం ఎక్కువ రోజులు డేట్స్ అడిగారు. నా లైనప్‌, షెడ్యూల్స్‌ కారణంగా అన్ని డేట్స్ అడ్జస్ట్‌ చేయలేను అనిపించింది. దీంతో ఆ సినిమాకు నో చెప్పాల్సి వచ్చింది అని క్లారిటీ ఇచ్చారు. ‘లాఠీ’ ప్రమోషన్స్‌, ‘మార్క్‌ ఆంటోనీ’ షూటింగ్‌ ఉండటం వల్ల డేట్స్ అడ్జెస్ట్‌ చేయలేకపోతున్నా అని చెప్పాను. అయితే నా తర్వాతి ప్రాజెక్ట్‌ ‘డిటెక్టివ్‌ 2’ తర్వాత విజయ్‌ కథ చెప్పాలని అనుకుంటున్నాను.
అన్నీ అనుకున్నట్లుగా జరిగి కథ ఓకే అయితే.. మా ఇద్దరి కాంబినేషన్‌లో సినిమా కచ్చితంగా వస్తుంది అని చెప్పారు విశాల్. దీంతో విజయ్‌ – విశాల్ అభిమానులు ఈ కాంబో రిపీట్‌ కోసం మొక్కుకుంటున్నారు. మరి విశాల్ ఎలాంటి కథను సిద్ధం చేస్తారు, విజయ్‌ దానికి ఏం చెబుతారు అనేది చూడాలి. ఇలాంటి కాంబినేషన్‌ ఎప్పుడో కానీ కుదరదు. కాబట్టి ఇంట్రెస్టింగ్‌ కాంబో కోసం వెయిటింగ్‌.
గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!
ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!
