‘యాక్షన్’ ప్రీ రిలీజ్ బిజినెస్ అదిరింది..!

విశాల్, తమన్నా జంటగా నటిస్తున్న తాజా చిత్రం ‘యాక్షన్’. సుందర్.సి డైరెక్షన్లో తెరకెక్కిన ఈ చిత్రాన్ని ‘ట్రైడెంట్ ఆర్ట్స్’ బ్యానర్ పై ఆర్.రవీంద్రన్ నిర్మిస్తున్నాడు. విశాల్ కెరీర్ లోనే ఇదే భారీ బడ్జెట్ చిత్రం. యాక్షన్ ఎపిసోడ్స్ ఈ చిత్రంలో ఓ రేంజ్ లో ఉంటాయట. ఇప్పటికే విడుదల చేసిన టీజర్, ట్రైలర్ లకు మంచి రెస్పాన్స్ వచ్చింది. మిల్కి బ్యూటీ తమన్నా గ్లామర్ షో కూడా పీక్స్ లో ఉన్నట్టు టీజర్, ట్రైలర్ చూస్తే స్పష్టం అవుతుంది. ఇక ఈ చిత్రానికి తెలుగులో కూడా ప్రీ రిలీజ్ బిజినెస్ బాగా జరిగిందని తెలుస్తుంది.

తెలుగు రాష్ట్రాల్లో హీరో విశాల్ సినిమాలకి మంచి డిమాండ్ ఉన్న సంగతి తెలిసిందే. ఆయన గత చిత్రాలు ‘అభిమన్యుడు’ 9 కోట్ల షేర్ ను వసూల్ చేయగా.. ‘పందెంకోడి2’ చిత్రం 6 కోట్ల వరకూ షేర్ ను వసూల్ చేసింది. దీంతో ‘యాక్షన్’ చిత్రానికి కూడా మంచి బిజినెస్ జరిగినట్టు తెలుస్తుంది. రెండు తెలుగు రాష్ట్రాలు కలిపి ‘యాక్షన్’ చిత్రానికి 6.7 వరకూ థియేట్రికల్ బిజినెస్ జరిగింది. అంటే ఈ చిత్రం బ్రేక్ ఈవెన్ కావాలంటే 7 కోట్ల వరకూ షేర్ ను రాబట్టాల్సి ఉంది. ఇప్పుడు తెలుగులో కాస్త క్రేజ్ ఉన్న సినిమాలు ఏమీ లేవు కాబట్టి.. ‘యాక్షన్’ కు ఏమాత్రం పాజిటివ్ టాక్ వచ్చినా క్యాష్ చేసుకునే అవకాశం ఉంది. ఇక ‘యాక్షన్’ చిత్రం నవంబర్ 15 న విడుదల కాబోతుంది.

తిప్పరామీసం సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!