Vishwak Sen: నలుగురు హీరోలు రిజెక్ట్ చేసిన కథలో విశ్వక్ సేన్!

వాలెంటైన్స్ డే సందర్భంగా ప్రేక్షకుల ముందుకు రాబోతున్న స్పెషల్ ఎంటర్టైనర్ ‘లైలా'(Laila). లేడీ గెటప్‌లో ప్రధాన పాత్రలో ఒక మాస్ హీరో విశ్వక్ (Vishwak Sen)  కనిపించబోతుండటం సినిమాకు ప్రధాన ఆకర్షణగా మారింది. ఈ కథ మొదట పలువురు హీరోల దగ్గరకి వెళ్లినప్పటికీ, లేడీ క్యారెక్టర్ రిస్క్ అని ధైర్యం చేయలేక రిజెక్ట్ చేశారట. కానీ కథ వినగానే విశ్వక్ రిస్క్ తీసుకునేందుకు రెడీ అయ్యాడు. అక్కడే సినిమా లెవెల్ పెరిగిందని మేకర్స్ చెప్పుకొచ్చారు.

Vishwak Sen

ఈ చిత్రానికి సంబంధించిన ప్రమోషనల్ ఈవెంట్‌లో, నిర్మాత ఈ విధంగా మాట్లాడుతూ.. ‘‘ఈ కథ కొంతమందికి చెప్పాను, కానీ లేడీ క్యారెక్టర్ చేయడం సులభమని భావించలేక నో చెప్పేశారు. కానీ విశ్వక్ మాత్రం చాలా కాన్ఫిడెంట్‌గా ముందుకు వచ్చి, ఈ కథకు అవజ్రామయ్యేలా తాను చేస్తానని చెప్పాడు. అతని డెడికేషన్ ఈ సినిమాను ప్రత్యేకంగా నిలబెట్టబోతుంది’’ అని అన్నారు.

ఈ సినిమాలోని లేడీ గెటప్ కోసం విశ్వక్ ఎంతో కష్టపడ్డాడట. మేకప్, గెటప్ రెడీ కావడానికి రోజుకు గంటల కొద్దీ సమయం పట్టేదట. ఈ గెటప్‌లో అతని తండ్రి కూడా ఆయన్ని గుర్తు పట్టలేదని విశ్వక్ తెలిపాడు. దీనిని గురించి మాట్లాడుతూ, ‘‘మా నాన్నకు వీడియో కాల్ చేశాను. చాలా సేపు మేమిద్దరం మౌనంగా ఉండిపోయాం. ఆపై నేను ‘‘డాడీ, నేనే’’ అని చెప్పగానే ఆయన ఆశ్చర్యపోయారు’’ అని తెలిపారు.

డైరెక్టర్ మాట్లాడుతూ, ‘‘ఇలాంటి కథతో సినిమాను రూపొందించడం నాకు ఒక ఛాలెంజ్. ఈ పాత్ర చేయడానికి ముందుకు వచ్చిన హీరో ధైర్యం, డెడికేషన్ వల్లే ఇది సాధ్యమైంది. మా టెక్నికల్ టీమ్‌ యొక్క ప్రతిభ స్క్రీన్ మీద తప్పకుండా కనిపిస్తుంది’’ అని అన్నారు. ఇక ఈ చిత్రంలో ‘‘ఇచ్చుకుందాం బేబీ’’ పాటను ప్రత్యేక ఆకర్షణగా మలచారు, ఇది యూత్‌లో పెద్ద క్రేజ్ తెచ్చుకుంటుందని లిరిసిస్ట్ ఆశిస్తున్నారు. వాలెంటైన్స్ డే స్పెషల్‌గా ఈ సినిమా విడుదల అవుతుండటంతో మంచి హైప్ క్రియేట్ అవుతుంది. ఇక ఇంతకుముందు నాలుగు సార్లు రిజెక్ట్ అయిన కథతో విశ్వక్ ఎలాంటి ఫలితాన్ని అందుకుంటాడో చూడాలి.

రాపో 22 గురించి ఇంట్రస్టింగ్ అప్డేట్!