“ఇంటెలిజెంట్” లాంటి భారీ డిజాస్టర్ తర్వాత వినాయక్ ఎవరికీ కాని దర్శకుడు అయిపోయాడు కానీ.. ఒక 15 ఏళ్ల పాటు స్టార్ డైరెక్టర్ గా అలరారిన ఏకైక మాస్ డైరెక్టర్ వినాయక్. ఒక అయిదేళ్ళ క్రితం వరకు ఆయన సినిమాల్లో నటించడానికి హీరోలందరూ తహతహలాడేవారు. వినాయక్ సినిమాలో నటిస్తే హీరోకి మాస్ ఇమేజ్ రావడం గ్యారెంటీ అనేవారు జనాలు. అలా ఉండేది ఆయన పాపులారిటీ. కానీ ఒక్కసారిగా ఆయన సినిమాల నుంచి బ్రేక్ తీసుకోవడం.. ఇప్పటివరకు కొత్త సినిమా ఎనౌన్స్ చేయకపోవడం.. దిల్ రాజు ఏమో ఏకంగా వినాయక్ ను నటుడిగా పరిచయం చేస్తానని తిరుపతిలో స్టేట్ మెంట్ ఇవ్వడంతో ఇక వినాయక్ ను దర్శకుడిగా కాక కేవలం నటుడిగానే చూడాలేమో అని ఫిక్స్ అయిపోయారు జనాలు.
అయితే.. నటుడిగా ప్రేక్షకుల్ని అలరించడానికి కసరత్తులు చేస్తూనే. మరోపక్క దర్శకుడిగా పూర్వ వైభవం సంపాదించుకోవడానికి సన్నద్ధమవుతున్నాడు వినాయక్. ఇటీవల ఓ సక్సెస్ ఫుల్ యంగ్ హీరోకి కథ నేరేట్ చేశాడట వినాయక్. ఆ హీరోకి కూడా కథ నచ్చిందని, కానీ ఇంకా ఒకే చెప్పలేదని వినికిడి. ఆ ప్రొజెక్ట్ గనుక సెట్ అయితే.. వినాయక్ మళ్ళీ దర్శకుడిగా ఫామ్ లోకి రావడం ఖాయం. మరి ఆ ప్రొజెక్ట్ ఏమవుతుందో చూడాలి.
Home
