తమిళనాట మహేష్ వర్సెస్ విజయ్ సేతుపతి!

మహేష్ బాబు మన తెలుగు హీరో కాబట్టి మనకి గొప్ప కానీ.. తమిళంలో అంత పెద్ద స్టార్ హీరో ఏమీ కాడు కదా. అందుకే తెలుగులో సోలో రిలీజ్ తో రాజకుమారుడిగా వస్తున్న మహేష్ బాబుకు తమిళనాట మాత్రం పోటీ తప్పడం లేదు. తెలుగులో సెప్టెంబర్ 27న సింగిల్ గా రిలీజవుతున్న “స్పైడర్” తమిళంలోనూ అదే తేదీన విడుదలకానున్న విషయం తెలిసిందే. మొదట్లో తమిళ యంగ్ హీరో శివకార్తికేయన్ తాజా చిత్రం “వెల్లైక్కరన్” కూడా అదే తేదీన విడుదల కావాల్సి ఉండగా.. ఆఖరి నిమిషంలో మురుగదాస్ విన్నపం మేరకు ఆ చిత్రాన్ని డిసెంబర్ కు వాయిదా వేశారు.

కట్ చేస్తే.. వరుస విజయాలతో మాంచి ఫామ్ లో ఉన్న విజయ్ సేతుపతి తాజా చిత్రమైన “కురుప్పన్”ను సెప్టెంబర్ 27న విడుదల చేస్తున్నట్లు నిర్మాతలు ప్రకటించారు. తమిళ నేటివిటీకి బాగా సింక్ అయ్యే సబ్జెక్ట్ అవ్వడం, విజయ్ సేతుపతికి ప్రస్తుతం తమిళనాట తిరుగులేని స్టార్ డమ్ ఉండడం వంటి విషయాలను దృష్టిలో ఉంచుకొంటే.. “స్పైడర్”కు తమిళనాట ఈ సినిమా గట్టి పోటీనిచ్చే అవకాశాలు ఎక్కువగా ఉన్నాయి. మరి ఆ పోటీని తట్టుకొని నిలదొక్కుకోగల స్థాయి “స్పైడర్” కథ-కథనాలకు ఉందో లేదో తెలియాలంటే సెప్టెంబర్ 27 వరకూ ఆగాల్సిందే.

Also, do SUBSCRIBE to our YouTube channel to get latest Tollywood updates.