సమంత, నాగ చైతన్య కలిసి మూవీ చేస్తారనే వార్తలను ఖండించిన చైతు

టాలీవుడ్ క్రేజీ బ్యూటీ సమంత, యువ సామ్రాట్ నాగ చైతన్య ప్రేమికులుగా ప్రపంచానికి తెలియకముందు చేసిన సినిమాల కంటే.. లవర్స్ గా బయట పడిన తర్వాత చేసే సినిమాలపై మరింత క్రేజ్ ఉంటుంది. లవ్ కున్న మ్యాజిక్ అటువంటిది. ఈ తరుణంలో వారిద్దరితో సినిమా చేద్దామని నిర్మాతలు గట్టిగానే ప్రయత్నిస్తున్నారు. అక్కినేని అభిమానులు సైతం సమంత, చైతూ భార్య భర్తలు కాకముందే ఓ చిత్రం చేస్తే బాగుంటుందని ఆశిస్తున్నారు. అందుకే ఈ మధ్య వారిద్దరిపై ఓ వార్త సోషల్ మీడియాలో చక్కర్లు కొట్టింది. బాలీవుడ్ లో సూపర్ హిట్ సాధించిన రొమాంటిక్‌ కామెడీ సినిమా ‘2 స్టేట్స్‌’  తెలుగు రీమేక్‌లో టాలీవుడ్ ప్రేమపక్షులు నటిస్తున్నారంటూ కథనాలు వెలువడ్డాయి.

ఈ మాట యువ సామ్రాట్ చెవిన పడింది. దీంతో ఆయన స్పందించారు. ఆ వార్తలను ఖండించారు. తామిద్దరం ఆ చిత్రంలో కలిసి నటించడం లేదని స్పష్టం చేశారు. “మేము అసలు ఆ కథనే వినలేదు.. అలాంటిది మేము నటిస్తామంటూ వార్తలు ఎలా వచ్చాయో తెలియదు” అని నాగ చైతన్య వివరించారు. వీరి వైపు నుంచి క్లారిటీ మాత్రం వచ్చేసింది.. మరి ‘2 స్టేట్స్‌’ తెలుగు రీమేక్స్ లో ఎవరు నటిస్తున్నారబ్బా..!!  ఆ విషయాన్నీ కూడా త్వరలోనే కనుక్కొని ఫిల్మ్ ఫోకస్ మీకు అందిస్తుంది.

Also, do SUBSCRIBE to our YouTube channel to get latest Tollywood updates.