దగ్గుబాటి ఇంట పెళ్లి బాజా మోగనుందా?.. వెంకటేష్ కుమార్తె కి పెళ్లి కళ వచ్చేసిందా?.. అంటే అవుననే సమాధానం ఇస్తున్నారు ఫిలిం నగర్ వాసులు. విక్టరీ వెంకటేష్ సినిమా కుటుంబంలో ఉన్నప్పటికీ.. అతని భార్య నీరజ మీడియా ముందుకు రారు. సినిమా వేడుకల్లోనూ కనిపించరు. అలాగే అతని ముగ్గురు కుమార్తెలను కెమెరాలకు దూరంగా పెంచారు. భావన, హయవాహిని, ఆశ్రితలు బాగా చదువుకుంటుంటున్నారు. వారిలో ఆశ్రిత ప్రేమలో పడింది. ఆ విషయాన్ని తెలుసుకున్న వెంకటేష్, అతని అన్న సురేష్ బాబు కుమార్తె ఇష్టాన్ని గౌరవించారు. ఆమె ప్రేమించిన వ్యక్తితోనే పెళ్లి చేయడానికి సంప్రదింపులు చేస్తున్నారు.
వెంకటేష్ కి కాబోయే అల్లుడు పేరు బయటికి రాలేదు కానీ.. అతను మాజీ ముఖ్య‌మంత్రి కిరణ్ కుమార్ రెడ్డి స్నేహితుడు ర‌ఘురామి రెడ్డి కుమారుడు, సురేంద‌ర్ రెడ్డి మ‌న‌వ‌డు అని తెలిసింది. డి.సురేష్‌బాబు అబ్బాయి ఇంటికి వెళ్లి పెద్ద‌లతో మాట్లాడారని సమాచారం. వెనకటేష్ ప్రస్తుతం f2 షూటింగ్ నిమిత్తం విదేశాల్లో ఉన్నారు. అతని హైదరాబాద్ కి రాగానే నిశ్చితార్థం తేదీని ఫిక్స్ చేయనున్నారు. అప్పుడే పెళ్లి డేట్ ని ఫిక్స్ చేయనున్నారు. ఈ ఏడాదిలో పెళ్లి జరగవచ్చని దగ్గుబాటి కుటుంబసభ్యులు చెబుతున్నారు. ఈ పెళ్లి వేడుకని గ్రాండ్ గా చేయడానికి ఇరుకుటుంబ సభ్యులు ఇప్పటినుంచే ప్లానింగ్ మొదలుపెట్టారు.
Home