Akhanda 2: ఆ ఊపు మళ్లీ తీసుకురావాలి.. ఒక రోజే టైమ్‌.. ‘అఖండ 2’ టీమ్‌ ఏం చేస్తుందో?

December 10, 2025 / 01:46 PM ISTByFilmy Focus Desk

Join Us

పగోడికి కూడా రాకూడని కష్టం.. అని అంటుంటారు కదా. ఇలాంటి కష్టమే ఇప్పుడొచ్చింది ‘అఖండ 2: తాండవం’ సినిమాకు. అంతా ఓకే.. మరో రోజులో థియేటర్లలో అభిమానుల ఆనంద తాండవం పక్కా అనుకుంటగా.. ఎప్పుడో పదేళ్ల నాటి సినిమా పంచాయితీ ఒకటి వచ్చి.. మొత్తం ఆనందాన్ని చెరిపేసింది. ఆ సినిమాకు బాలకృష్ణకు ఏమన్నా ఉందా అంటే అస్సలు లేదు. కానీ ఇబ్బందిపడ్డారు. ఎరోస్‌తో వచ్చిన ఆ సమస్యను ఫిక్స్‌ చేసుకొని ఇప్పుడు సినిమా విడుదలకు సిద్ధమైంది. అయితే ఇప్పుడు మరో ప్రశ్న మొదలైంది.

Akhanda 2

‘అఖండ 2: తాండవం’ సినిమాను ఈ నెల 12న విడుదల చేస్తున్నట్లు చిత్రబృందం మంగళవారం రాత్రి అధికారికంగా ప్రకటించింది. 11వ తేదీ రాత్రి ప్రత్యేక ప్రీమియర్లతో ఈ సినిమా స్క్రీనింగ్‌ మొదలుకానుంది. అంటే సినిమా టీమ్‌కి ప్రచారం కోసం గట్టిగా చూస్తే ఒక్క రోజు మాత్రమే ఉంది. ఈ నేపథ్యంలో ప్రచారం కోసం ఏం చేస్తారు అనే ప్రశ్న మొదలైంది. ఎందుకంటే డిసెంబరు 4 వరకు సినిమా కోసం బాగా ప్రచారం చేశారు. ఉన్న ఆప్షన్లు అన్నీ వాడేశారు. ఇప్పుడు మళ్లీ కొత్తగా ఇంటర్వ్యూలు, ఈవెంట్లు చేసే సమయం కూడా లేదు.

Akhanda 2 Thaandavam in Bihar

కాబట్టి.. సోషల్‌ మీడియా ప్రచారం మాత్రమే సాధనంగా మారింది. వన్స్‌ సినిమా వచ్చేస్తే ఇప్పుడు ఇంకా ఇబ్బంది ఏమీ ఉండదు. ఎందుకంటే మౌత్‌ టాక్‌ తన పని తాను చేసేస్తుంది. కాబట్టి ఈ ఒకటిన్నర రోజు అదే పనిలో ఉండాలి. మరోవైపు ఎరోస్‌ కేసు, ఆ తర్వాత ఆర్థిక విషయాలు సినిమాకు ప్రచారం తీసుకొచ్చాయి. ఒక విధంగా ఈ వ్యవహారం ఇబ్బంది పెట్టినా పాన్‌ ఇండియా లెవల్‌ ప్రచారం అయితే తీసుకొచ్చాయి. కాబట్టి సినిమా టీమ్‌ పెద్దగా ఇబ్బంది పడిందేం లేదు.

అయితే, సమస్యల్లా ఈ సినిమా వారం వాయిదా పడటంతో డిసెంబరు 12న రావడానికి సిద్ధమైన ఇతర చిన్న సినిమాలు ఇప్పుడు వాయిదా బాట పట్టాయి.