మహేష్ స్పైడర్ రిలీజ్ ఆలస్యానికి కారణం ఏమిటి ?

మురుగదాస్ దర్శకత్వంలో సూపర్ స్టార్ మహేష్ బాబు నటిస్తున్న స్పైడర్ మూవీ చైన్నైలోని పెద్ద ఆస్పత్రిలో షూటింగ్ జరుపుకుంటోంది. నేటితో క్లైమాక్స్ సీన్ కంప్లీట్ కానుంది. హీరోయిన్ గా రకుల్ ప్రీత్ సింగ్, విలన్ గా ఎస్.జె.సూర్య నటిస్తున్న ఈ మూవీ జూన్ 23 న థియేటర్లోకి వస్తుందని డైరక్టర్ మొదట్లో చెప్పారు. ఆ డేట్ మారిందని మహేష్ పుట్టిన రోజైన ఆగస్టు 9 న రిలీజ్ అవుతుందని కొంతకాలంగా ప్రచారం సాగింది. అయితే ఆ డేట్ కూడా పోస్ట్ పోన్ అయినట్లు తెలిసింది. కారణం ఏమిటని ఆరా తీయగా అసలు విషయం వెలుగులోకి వచ్చింది. పోస్ట్ ప్రొడక్షన్ వర్క్ కి మూడు నెలలు టైం పడుతుందని టెక్నీషయన్లు కోరడంతో అందుకు డైరక్టర్ ఓకే చెప్పినట్లు సమాచారం.

అందుకే ఆగస్టు నుంచి సెప్టెంబర్ కి మూవీ రిలీజ్ పోస్ట్ పోన్ అయిందంట. ఏకకాలంలో తెలుగు, తమిళ భాషల్లో తెరకెక్కుతోన్న ఈ మూవీ టీజర్ లండన్లో రెడీ అవుతోంది. ఆ టీజర్ ని ని సూపర్ స్టార్ కృష్ణ పుట్టిన రోజైన మే 31 న రిలీజ్ చేయనున్నారు. ఇక హరీష్ జయరాజ్ స్వరపరిచిన పాటలు జూన్ 9 న విడుదల కానున్నాయి. ఈ తేదీల్లో మార్పు లేదని ఫిలింనగర్ వాసులు చెబుతున్నారు. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై ఎన్.వి.ప్రసాద్ నిర్మిస్తున్న ఈ మూవీపై భారీ అంచనాలు ఉన్నాయి.

Also, do SUBSCRIBE to our YouTube channel to get latest Tollywood updates.