అల్లు శిరీష్.. అన్ని రకాల బ్యాక్‌అప్స్‌ ఉన్నా.. ఇండస్ట్రీలో ఓ లెవల్‌ హీరో అవ్వడానికి ఇంకా ఇబ్బందులు పడుతూనే ఉన్నాడు. కొన్నాళ్లు సినిమాలక దూరమై.. ఇప్పుడు ముద్దులు, హగ్గుల సినిమాతో ఈ రోజు తన అదృష్టాన్ని పరీక్షించుకోబోతున్నాడు. ఈ సినిమాకు బ్యాకప్‌గా నిర్మాత అల్లు అరవింద్ అన్ని రకాల ప్రయత్నాలూ చేశారు, చేస్తున్నారు. అయితే ఇంట్లో ఉన్న స్టార్ హీరో నుండి మాత్రం ఎలాంటి సపోర్టు కనిపించలేదు. దీంతో ఏమైంది అనే చిన్న డౌటానుమానం ఇండస్ట్రీ వర్గాల్లో కనిపిస్తోంది.
‘ఊర్వశివో రాక్షసివో’ సినిమా ప్రచారం కోసం అల్లు శిరీష్ కాళ్లకు బలపాలు కట్టుకుని తెలుగు రాష్ట్రాల్లో ముఖ్యమైన ప్రాంతాలన్నీ తిరిగేశాడు. అవకాశం ఉన్న అన్ని రకాలుగా ప్రచారం చేసేశాడు. అల్లు అరవింద్ అయితే ఏకంగా నందమూరి బాలకృష్ణనే తీసుకొచ్చాడు. అయితే ఒక పని మాత్రం చేయలేకపోయారు. అదే అల్లు అర్జున్‌ రెస్పాన్స్. సినిమా టీజర్‌ వచ్చాక తెలుగు రాష్ట్రాల్లో చాలా ఆసక్తి కనిపించింది. ఆ తర్వాత ఏదో ఒక స్టేజీ మీద అల్లు అర్జున్‌ కనిపిస్తాడేమో అని అందరూ ఎదురు చూశారు. అయితే ఎక్కడా జరగలేదు.
పోనీ తర్వాత తీసుకొద్దాం అనుకున్నారేమో అని భావించారు. కనీసం సినిమా రిలీజ్‌కి ముందైనా ట్వీట్‌ చేస్తాడేమో బన్నీ అనుకున్నారు. కానీ ఇప్పటివరకు అలాంటిదేం కనిపించలేదు. దీంతో ఏం జరుగుతోంది అనే ప్రశ్న మొదలైంది. అయితే మరోవైపు తనకు అల్లు అర్జునే అన్నీ అని, తనను కొడుకులా చూసుకున్నాడని, బన్నీ గురించి భార్య స్నేహకు కూడా తెలియని విషయాలు తనకు తెలుసు అని.. శిరీష్ చాలా ఇంటర్వ్యూల్లో చెబుతున్నాడు. అలా శిరీష్ ఇంతా చెబుతుంటే బన్నీ మాత్రం ఎలాంటి స్పందనా లేకపోవడం అర్థం కావడం లేదు.
తమ్ముడి సినిమానే కదా.. తన కాళ్ల మీద తాను నిలబడని అని అనుకున్నాడేమో బన్నీ. అయితే ఒక ఆల్‌ ది బెస్ట్, బెస్ట్ ఆఫ్‌ లక్‌ లాంటివి చెప్పినా బాగుంటుందిగా. బన్నీ ఏమన్నా షూటింగ్‌లో బిజీగా ఉన్నాడా? అంటే ‘పుష్ప 2’ విషయంలో అంత బిజీ షెడ్యూల్‌ అయితే ఏమీ నడవడం లేదు. సో ఏం జరుగుతోంది? జస్ట్ ఆస్కింగ్‌ అంతే!
Most Recommended Video
‘పుష్ప 2’ తో పాటు 2023 లో రాబోతున్న సీక్వెల్స్!
చిరు టు వైష్ణవ్.. ఓ హిట్టు కోసం ఎదురుచూస్తున్న టాలీవుడ్ హీరోల లిస్ట్..!
రూ.200 కోట్లు టు రూ.500 కోట్ల బడ్జెట్ తో రూపొందిన ఇండియన్ సినిమాల లిస్ట్..!
Home
