DSP-Sukumar Movie: దిల్‌ రాజు అంత ఘనంగా ప్రకటించి పక్కనపెట్టేశారేంటి?

July 1, 2021 / 07:22 PM ISTByFilmy Focus

Join Us

DSP-Sukumar Movie: దిల్‌ రాజు అంత ఘనంగా ప్రకటించి పక్కనపెట్టేశారేంటి?

అప్పటి విషయాలను ఇప్పుడు తవ్వడం మంచిది కాదు కానీ… సందర్భం వచ్చింది కాబట్టి ఒకసారి గుర్తు చేసుకుందాం. టాలీవుడ్‌లో హీరోయిన్‌ – మ్యూజిక్‌ డైరక్టర్‌ క్లోజ్‌ ఫ్రెండ్స్‌ అంటే ఛార్మి, దేవిశ్రీప్రసాద్ అని చెప్పొచ్చు. ఆ రోజుల్లో వీరి గురించి చాలా రకాల రూమర్లు వచ్చాయనుకోండి. ఇటీవల కాలంలో అవన్నీ ఆగిపోయాయి. అయితే ఈ ఇద్దరూ కలసి ఓ సినిమా కోసం పని చేయబోతున్నారట. అంతే కాదు అందులో హీరో డీఎస్పీనేనట. అయితే ఇక్కడే ఓ డౌట్‌.. అప్పుడెప్పుడో డీఎస్పీ హీరోగా ప్రకటించిన సినిమా ఏమైంది.

‘కుమారి 21 ఎఫ్‌’ సినిమా సక్సెస్‌ మీట్‌లో దేవిశ్రీప్రసాద్‌ హీరోగా ఓ సినిమా ఉంటుందని వార్తలొచ్చాయి. ఆ తర్వాత కొన్ని రోజులకు దిల్‌ రాజు టీమ్‌ అఫీషియల్‌గా అనౌన్స్‌ చేశారు కూడా. సుకుమార్‌ ఆ సినిమాను డైరెక్ట్‌ చేస్తారు అని కూడా చెప్పారు. కానీ ఆ సినిమా పట్టాలెక్కలేదు. దీంతో కేవలం ప్రకటనకే పరిమితం అవుతుంది అని అందరూ అనుకున్నారు. ఆ తర్వాత మళ్లీ కొన్నాళ్లకు మళ్లీ ఆ ముచ్చట్లు వినిపించాయి. ఆ తర్వాత మళ్లీ లేదు.

ఇప్పుడు ఛార్మి నిర్మాణంలో డీఎస్పీ హీరో అవుతున్నాడు అని వార్తలొస్తున్న నేపథ్యంలో దిల్‌ రాజు సినిమా ఏమైంది అనే విషయం అందరికీ గుర్తొస్తోంది. అంత ఘనంగా దిల్‌ రాజు ప్రకటించాక… ఆ సినిమా ఇంతవరకూ పట్టాలెక్కకపోవడం ఏంటో తెలియడం లేదు. ఛార్మి నిర్మించబోయే సినిమా హారర్‌ డ్రామాగా ఉండబోతుందని సమాచారం. ఇదైనా ఓకే అవుతుందో… లేక దిల్‌ రాజు సినిమాలా సైడ్‌కెళ్లిపోతుందో చూడాలి.