మాటల మాంత్రికుడు త్రివిక్రమ్ శ్రీనివాస్ దర్శకత్వంలో నితిన్, సమంత కలిసి నటించిన చిత్రం “అ.. ఆ”. ఈ సినిమా గురువారం రిలీజ్ అయ్యింది. మంచి మూవీగా టాక్ తెచ్చుకుంది. ఈ సినిమాను సాధారణ ప్రేక్షకుడిలా అక్కినేని నాగార్జున తనయుడు నాగ చైతన్య థియేటర్లో చూసాడు. ఇందులో పెద్ద విశేషం ఏమిలేదు.. కానీ అతను ఓ అమ్మాయితో కలిసి చూడడమే హాట్ టాపిక్ గా మారింది. వారిద్దరిని ఒకరు సెల్ కెమేరాలో బంధించి నెట్లో ఉంచారు. ఆ ఫోటోలో నాగ చైతన్య స్పష్టంగా కనిపిస్తున్నాడు. అతని పక్కన ఉన్న అమ్మాయి ఎవరో క్లియర్ గా తెలియడం లేదు. కాని ఆమె సమంతేనని ఎక్కువమంది నెటిజనులు అభిప్రాయం వ్యక్తం చేసారు.
కొద్దికాలం క్రితం సమంత తను ప్రేమలో ఉన్నట్లు, త్వరలో పెళ్లి చేసుకోనున్నట్లు ట్విట్టర్లో పోస్ట్ చేసింది. అతను సినీ పరిశ్రమకు చెందిన వ్యక్తి అని, పేరు “ఎన్” అనే అక్షరంతో మొదలవుతుందని పొడుపు కథలను కూడా చెప్పింది. ఇంత క్లారిటీగా హింట్ ఇవ్వడంతో అందరూ నాగ చైతన్య అని డిసైడ్ అయ్యారు.
ఎందుకంటే ఏ మాయ చేసావే చిత్రంలో వీరిద్దరి ఆన్ స్క్రీన్ ప్రేమ సూపర్ హిట్ అయ్యింది. తర్వాత అటో నగర్ సూర్యలో కనిపించారు. మళ్లీ “మనం” సినిమాలో జన్మ జన్మ ప్రేమికులుగా తెర పైన ప్రేమను పండించారు. మూడు సినిమాలో కలిసి పనిచేయడం వల్ల వీరిద్దరి మధ్య ప్రేమ చిగురించి ఉంటుందని భావించారు. సమంత ప్రియుడు నాగ చైతన్య అని అంచనాకు వచ్చారు. ఈ ఫోటో ఆ అంచనాలను నిజం చేసింది. మీరు కూడా ఆ ఫోటోని చూసి నాగ చైతన్య పక్కన కూర్చున్న అమ్మాయి ఎవరో గెస్ చేయండి.
Home