టాలీవుడ్‌లో లేడీ డైరక్టర్స్‌ చాలా తక్కువగా వస్తుంటారు. అప్పుడప్పుడు వచ్చినా.. ఎక్కువ రోజులు కెరీర్‌ కొనసాగించలేకపోతున్నారు. దీంతో లేడీ డైరక్టర్స్‌ అంటే ఇండస్ట్రీలో చిన్న ఇంట్రెస్ట్‌ ఉంటుంది. వరుస సినిమాలు చేసి, విజయాలు అందుకుని స్టార్‌ డైరక్టర్లు అవ్వాలని ఆశిస్తుంటారు. ఇప్పుడు టాలీవుడ్‌లో మరో లేడీ డైరక్టర్‌ ఎంట్రీ ఇస్తున్నారు. సిద్ధు జొన్నలగడ్డ హీరోగా ఇటీవల భోగవల్లి ప్రసాద్‌ – సుకుమార్‌ కలిపి ఓ సినిమా అనౌన్స్‌ చేశారు. ఆ సినిమాకు వైష్ణవి అనే లేడీ డైరక్టర్‌ అని ప్రకటించారు.
దీంతో టాలీవుడ్‌లోకి వస్తున్న ఆ కొత్త డైరక్టర్‌ ఎవరు అనే ప్రశ్న ఇండస్ట్రీ వర్గాల్లో, సోషల్‌ మీడియాలో వినిపిస్తోంది. ఆమె గతంలో ఎవరి దగ్గర దర్శకత్వ శాఖలో పని చేశారు? ఇంతకుముందు ఎక్కడా పేరు వినలేదే? అని అనుకుంటున్నారు. అయితే సన్నిహిత వర్గాల సమాచారం ప్రకారం చూస్తే.. వైష్ణవి సుకుమార్‌ సినిమా ద్వారా వస్తున్నారు కానీ.. ఆయన శిష్య బృందంలో లేరట. అంటే ఆయనతో గతంలో ఏ సినిమాకూ పని చేయలేదట. అంతేకాదు ఆమె ఓ షార్ట్ ఫిల్మ్ మేకర్‌ అని తెలుస్తోంది.
ఇన్‌స్టాగ్రామ్‌లో ఉన్న సమాచారం ప్రకారం అయితే.. వైష్ణవి పూర్తి పేరు.. వైష్ణవి కమలాకర్‌. కొన్ని షార్ట్ ఫిల్మ్స్‌ చేశారు. ‘కలర్‌ ఫొటో’ నిర్మాత సాయిరాజేష్‌ తదితరులకు ఆమె సుపరిచితమే. చాలా రోజులుగా సినిమా దర్శకత్వం కోసం ప్రయత్నిస్తున్న ఆమె.. సుకుమార్‌ ద్వారా ఇప్పుడు దర్శకురాలుగా మారారు అని తెలుస్తోంది. సినిమా ఓపెనింగ్‌ రోజు ఆమె గురించి మరిన్ని వివరాలు తెలిసే అవకాశం ఉంది అంటున్నారు.
ఇటీవల కాలంలో ‘వరుడు కావలెను’ సినిమాతో సౌజన్య అనే దర్శకురాలు పరిచయం అయ్యారు. త్రివిక్రమ్ కోటరీ నుండి వచ్చిన ఆమె తొలి సినిమాతోనే మంచి పేరు సంపాదించుకున్నారు. ఇప్పుడు మరో సినిమా కోసం ప్రయత్నాలు చేస్తున్నారు. ఇప్పుడు వైష్ణవి కూడా అదే రీతిలో మంచి పేరు తెచ్చుకోవాలని ఆశిద్దాం. ఆల్‌ ది బెస్ట్‌ వైష్ణవి.
రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!
మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!
Home
