సూపర్ స్టార్ మెచ్చిన సూపర్ హీరో ఎవరు ?

సౌత్ ఇండియా సూపర్ స్టార్ మహేష్ బాబు తెలుగు వారికి సూపర్ హీరో. మరి ఆయనకి నచ్చిన సూపర్ హీరో ఎవరు? పిల్లల్లో కలిగే పెద్ద ప్రశ్న ఇది. ఈ ప్రశ్నను ధైర్యంగా మహేష్ బాబును అడిగేసింది అవంతిక. అవంతిక అనగానే తమన్నా అనుకునేరు కాదండి. చైల్డ్ ఆర్టిస్ట్ అవంతిక. నాని సినిమా క్రిష్ణగాడి వీర ప్రేమ గాధ లో వెండి తెరకు పరిచయమైంది.

పుట్టింది, పెరిగింది కాలిఫోర్నియా లో అయినా తెలుగు చక్కగా మాట్లాడుతుంది ఈ పాప. ఈ పదకొండేళ్ళ చిన్నారి మహేష్ బాబు తో కలిసి బ్రహ్మోత్సవం సినిమాలో నటించే అవకాశం దక్కించుకుంది. ఈ చిత్రం టీజర్ లో నన్ను పెళ్లి చేసుకుంటావా అని అడిగే పాపే అవంతిక.  బ్రహ్మోత్సవం ప్రచారంలో భాగంగా అవంతిక ప్రిన్స్ ను ఇంటర్వ్యూ చేసింది. ఆమె క్యూట్ గా ప్రశ్నలు అడుగుతుంటే సూపర్ స్టార్ చక్కగా సమాధానాలు చెప్పారు. మీకు ఏ సూపర్ హీరో అంటే ఇష్టం అని అడిగితే హల్క్ (అవెంజేర్స్) అంటే ఇష్టమని మహేష్ చెప్పారు.  భారీ శరీరంతో శత్రువుల ఫై విరుచుకు పడే హల్క్  అంటే అందరికి ఇష్టమే.