సూపర్ స్టార్ మహేష్ బాబు స్పైడర్ మూవీ ద్వారా కోలీవుడ్ లోకి నేరుగా అడుగుపెట్టబోతున్నారు. తమిళ స్టార్ డైరక్టర్ మురగదాస్ దర్శకత్వంలో ఆయన చేస్తున్న ఈ సినిమా ఫస్ట్ లుక్ రెండు రోజుల క్రితం రిలీజ్ అయి తెలుగు, తమిళ సినీ ఫ్యాన్స్ ని ఆకట్టుకుంది. ఈ సందర్భంగా ఓ తమిళ దిన పత్రికకు ఇచ్చిన ఇంటర్వ్యూలో మహేష్ అనేక ఆసక్తికర సంగతులు వెల్లడించారు. అందులో మెగాస్టార్ రీ ఎంట్రీ ఇచ్చిన ఖైదీ నంబర్ 150 మూవీ గురించి కూడా ఉంది. ఆ చిత్రం తమిళ మూవీ కత్తి రీమేక్ అని అందరికీ తెలిసిందే. కోలీవుడ్ హీరో విజయ్ నటించిన కత్తి సినిమాను రీమేక్ చేసే అవకాశం తొలుత తనకే వచ్చిందని మహేష్ వెల్లడించారు.
కానీ రీమేక్ లపై తనకు నమ్మకం లేదని, ఒకసారి చేసిన సినిమాని మళ్లీ చేయాలంటే ఉత్సాహం ఉండదని, సెట్ కు వెళితే ఏదైనా కొత్తగా చేయాలని వెల్లడించారు. ” ఆ సినిమాని చేయను కానీ, ఆ చిత్రాన్ని డైరక్ట్ చేసిన మురుగదాస్ తో మూవీ చేస్తానని చెప్పాను. అప్పుడు మురుగదాస్ హిందీలో బిజీగా ఉండటం వలన కుదరలేదు” అని ప్రిన్స్ తెలిపారు. ఇప్పుడు డైరక్టర్ కి తీరిక కుదరడంతో స్పైడర్ చేస్తున్నట్లు సూపర్ స్టార్ వివరించారు. ఎన్నో అంచనాలు నెలకొన్న ఈ మూవీ జూన్ 23 న ప్రేక్షకుల ముందుకు రానుంది.
Also, do SUBSCRIBE to our YouTube channel to get latest Tollywood updates.
