గబ్బర్ సింగ్ మేనరిజం పవన్ కి ఇప్పుడు సెట్ అవుతుందా?

March 24, 2020 / 12:57 PM ISTByFilmy Focus

Join Us

గబ్బర్ సింగ్ మేనరిజం పవన్ కి ఇప్పుడు సెట్ అవుతుందా?

పవన్ సినిమాలలో ఫ్యాన్స్ మాంచి కిక్కిచ్చిన చిత్రం గబ్బర్ సింగ్. హిందీ చిత్రం దబంగ్ కి తెలుగు రీమేక్ గా వచ్చిన ఆ చిత్రం పవన్ కి బ్లాక్ బస్టర్ హిట్ అందించింది. పవన్ అప్పటివరకు ప్లాప్స్ లో ఉండగా ఈ చిత్రం ఆయన్ని హిట్ ట్రాక్ ఎక్కించింది. దర్శకుడు అసలు ఒరిజినల్ కి పోలికలు లేకుండా స్ట్రైట్ మూవీ అన్నట్లు, కొత్తగా చిత్రాన్ని తెరకెక్కించారు. ఇక హరీష్ శంకర్ పవన్ కోసం డెవలప్ చేసిన మాస్ మేనరిజం పవన్ కి భలే సెట్ అయ్యింది.

అలాగే హరీష్ మార్క్ వన్ లైనర్స్ పవన్ నోటి నుండి ఆటం బాంబ్స్ లా పేలాయి. ముఖ్యంగా ”నాకు తిక్కుందీ, దానికో లెక్కుంది..” వంటి వన్ లైనర్స్ చాల కాలం ప్రేక్షకులలో నానాయి. పవన్ తన 28వ చిత్రం హరీష్ శంకర్ తో కమిటైన సంగతి తెలిసిందే. ఈ మూవీ కోసం కూడా గబ్బర్ సింగ్ మాదిరి మాస్ వన్ లైనర్స్, రఫ్ మేనరిజం పవన్ కోసం సిద్ధం చేస్తున్నాడట హరీష్.

Will audience accept Pawan Kalyan mannerism again1

ఐతే పవన్ ఇప్పుడు ఓ పొలిటీషియన్, సామాజిక బాధ్యత కలిగిన వ్యక్తి. ఈ నేపథ్యంలో హరీష్ రాసే వన్ లైనర్స్ మరియు పంచ్ డైలాగ్స్ పవన్ కి సెట్ అవుతాయా అనే అనుమానం కలుగుతుంది. ఒక వేళ అలాంటి మేనరిజం ఫ్యాన్స్ కి నచ్చినా సాధారణ ప్రేక్షకులు రిసీవ్ చేసుకోకపోవచ్చు. దానికి తోడు ఇదివరలా పవన్ కోతి చేష్టలు తెరపై అంత ఎంటరైన్మెంట్ పంచే అవకాశం తక్కువ. మరి చూడాలి హరీష్, పవన్ ని ఎలా చూపించనున్నాడో..దానిని ప్రేక్షకులు ఎలా స్వీకరిస్తారో?