NBK108: ఆ మూవీతో బాలయ్య కోరుకున్న పాన్ ఇండియా సక్సెస్ దక్కుతుందా?

బాలకృష్ణ అనిల్ రావిపూడి కాంబో మూవీ బడ్జెట్ అంతకంతకూ పెరుగుతుండటం గమనార్హం. భారీ క్యాస్టింగ్ తో ఈ సినిమా తెరకెక్కుతుండగా మేకర్స్ ఈ సినిమా ఖర్చు విషయంలో అస్సలు రాజీ పడటం లేదు. ఈ సినిమాలోని కీలక పాత్ర కోసం అర్జున్ రాంపాల్ ఎంపిక కాగా తాజాగా చిత్ర యూనిట్ ఈ విషయాన్ని అధికారికంగా వెల్లడించింది. ఈ సినిమా గురించి వస్తున్న అప్ డేట్లు అభిమానులకు ఎంతగానో నచ్చుతున్నాయి. బాలయ్య సినిమాలో పాన్ ఇండియా నటులను ఎక్కువగా ఎంపిక చేస్తుండటంతో బాలయ్య అనిల్ కాంబో మూవీ పాన్ ఇండియా మూవీగా రిలీజ్ కానుందని కామెంట్లు వినిపిస్తున్నాయి.

అనిల్ సినిమాతో బాలయ్య కోరుకున్న పాన్ ఇండియా సక్సెస్ దక్కుతుందో లేదో చూడాల్సి ఉంది. బాలయ్య పాన్ ఇండియా హీరోగా సత్తా చాటాలని ఫ్యాన్స్ కోరుకుంటున్నారు. బాలయ్య సినిమాలకు ఇతర భాషల్లో కూడా డిమాండ్ పెరుగుతోంది. బాలయ్య పారితోషికం 25 కోట్ల రూపాయల రేంజ్ లో ఉండగా కాజల్ ఈ సినిమాలో టీచర్ గా కనిపిస్తారని తెలుస్తోంది. శ్రీలీల రోల్ ఈ సినిమాకు స్పెషల్ గా ఉండనుందని బోగట్టా.

బాలయ్య సింగిల్ రోల్ లో నటిస్తున్నా ఆ పాత్రకు సంబంధించి వచ్చే ట్విస్టులు మామూలుగా ఉండవని సమాచారం. బాలయ్య పుట్టినరోజుకు మరో నెల రోజుల సమయం మాత్రమే ఉందనే సంగతి తెలిసిందే. బాలయ్య పుట్టినరోజున ఆయన సినిమాలకు సంబంధించి షాకింగ్ అప్ డేట్స్ వచ్చే అవకాశం అయితే ఉందని తెలుస్తోంది.

బాలయ్య రేంజ్, మార్కెట్ పెరుగుతుండగా యంగ్ జనరేషన్ హీరోలకు సైతం బాలయ్య గట్టి పోటీ ఇస్తున్నారు. బాలయ్య అనిల్ కాంబో మూవీకి థమన్ మ్యూజిక్ డైరెక్టర్ కాగా ఈ సినిమా కోసం థమన్ అదిరిపోయే మ్యూజిక్ ఇచ్చారని సమాచారం అందుతోంది. ఈ సినిమాపై అంచనాలు అంతకంతకూ పెరుగుతున్నాయి.

రామబాణం సినిమా రివ్యూ & రేటింగ్!
ఉగ్రం సినిమా రివ్యూ & రేటింగ్!

గుడి కట్టేంత అభిమానం.. ఏ హీరోయిన్స్ కు గుడి కట్టారో తెలుసా?
ఇంగ్లీష్ లో మాట్లాడటమే తప్పా..మరి ఇంత దారుణంగా ట్రోల్స్ చేస్తారా?