Devara: ఆ బెనిఫిట్స్ లభిస్తే మాత్రం దేవర సంచలనాలు మామూలుగా ఉండవుగా!

ప్రభాస్ (Prabhas) నాగ్ అశ్విన్ (Nag Ashwin)  కాంబినేషన్ లో తెరకెక్కిన కల్కి 2898 ఏడీ (Kalki 2898 AD) ప్రభాస్ ఖాతాలో మరో ఇండస్ట్రీ హిట్ అని ఫ్యాన్స్ ఫిక్స్ అయ్యారు. సినిమాకు యునానిమస్ పాజిటివ్ టాక్ రావడంతో ఈ సినిమా జోరుకు మరో రెండు వారాల వరకు బ్రేకులు వేసే అవకాశం ఉండదు. ఇండియన్2 (Bharateeyudu 2) సినిమా విడుదలయ్యే వరకు ఈ సినిమా తెలుగు రాష్ట్రాల్లోని దాదాపుగా అన్ని థియేటర్లలో ప్రదర్శితం అయ్యే అవకాశం ఉంది. కల్కి 2898 ఏడీ సినిమాలో గూస్ బంప్స్ మూమెంట్స్ కు కొదువ లేదు.

ఈ సినిమాకు రిపీట్ ఆడియన్స్ కూడా ఉంటారని చెప్పడంలో ఏ మాత్రం సందేహం అక్కర్లేదు. నాగ్ అశ్విన్ ప్రతి పాత్రను సమర్థవంతంగా వినియోగించుకున్నారు. రిలీజ్ రోజున ఏపీలో కల్కి 2898 ఏడీ ఆరు షోలు ప్రదర్శితం అవుతున్నాయి. మరోవైపు పెరిగిన టికెట్ రేట్లతో ఈ సినిమా థియేటర్లలో విడుదలైన సంగతి తెలిసిందే. ఎన్టీఆర్ (Jr NTR) కొరటాల శివ (Koratala Siva) కాంబినేషన్ లో తెరకెక్కుతున్న దేవర సినిమా విడుదలకు మరో 90 రోజుల సమయం మాత్రమే ఉంది.

దేవరకు (Devara) కూడా టికెట్ రేట్ల పెంపు, అదనపు షోలకు సంబంధించి అనుమతులు లభిస్తే ఈ సినిమా సృష్టించే సంచలనాలు మామూలుగా ఉండవని కామెంట్లు వ్యక్తమవుతున్నాయి. మరికొన్ని రోజుల్లో దేవర సెకండ్ సింగిల్ రిలీజ్ కానుంది. ఆకాశమే హద్దుగా ఈ సినిమాపై అంచనాలు పెంచే విధంగా మేకర్స్ ప్లాన్ ఉందని భోగట్టా.

దేవర సినిమాలో జాన్వీ కపూర్ (Janhvi Kapoor)హీరోయిన్ గా నటిస్తుండగా దేవరలో ఛాన్స్ దక్కిన తర్వాత ఈ బ్యూటీకి ఆఫర్లు పెరుగుతున్నాయి. తమిళంలో విజయ్ కు (Vijay) జోడీగా ఒక సినిమాలో జాన్వీ నటిస్తున్నారని వార్తలు వినిపిస్తున్నాయి. కల్కి హిట్ తో ఈ ఏడాది టాలీవుడ్ కు మెమరబుల్ ఇయర్ గా నిలిచే ఛాన్స్ అయితే ఉంది.