Kalyan Ram: ఆ మ్యాజిక్ ను కళ్యాణ్ రామ్ రిపీట్ చేస్తారా?

ఈ ఏడాది తక్కువ బడ్జెట్ తో తెరకెక్కి భారీ బ్లాక్ బస్టర్ హిట్ గా నిలిచిన సినిమాలలో బింబిసార ఒకటి. ఈ సినిమాను పాన్ ఇండియా మూవీగా రిలీజ్ చేస్తే బాగుంటుందని కొంతమంది కామెంట్లు చేసినా వేర్వేరు కారణాల కళ్యాణ్ రామ్ ఇతర భాషల్లో ఈ సినిమాను రిలీజ్ చేయడానికి ఇష్టపడలేదు. బింబిసార పార్ట్1 కు పాజిటివ్ టాక్ వచ్చిన నేపథ్యంలో బింబిసార2 సినిమాపై మంచి అంచనాలు ఏర్పడ్డాయి. అయితే బింబిసార2 షూట్ మొదలుకావడానికి చాలా సమయం పట్టే ఛాన్స్ ఉంది.

ఇప్పటికే ఓకే చేసిన ప్రాజెక్ట్ లను పూర్తి చేసిన తర్వాత కళ్యాణ్ రామ్ తర్వాత ప్రాజెక్ట్ లకు గ్రీన్ సిగ్నల్ ఇవ్వనున్నారని సమాచారం అందుతోంది. కళ్యాణ్ రామ్ హీరోగా డెవిల్ అనే టైటిల్ తో పీరియాడికల్ బ్యాక్ డ్రాప్ లో ఒక సినిమా తెరకెక్కుతుండగా ఈ సినిమాపై మంచి అంచనాలు నెలకొన్నాయనే సంగతి తెలిసిందే. ప్రస్తుతం ఈ సినిమా షూటింగ్ తమిళనాడు రాష్ట్రంలో జరుగుతోందని సమాచారం అందుతోంది. డెవిల్ మూవీలో కళ్యాణ్ రామ్ బ్రిటిష్ సీక్రెట్ ఏజెంట్ గా కనిపిస్తారని బోగట్టా.

బ్రిటిష్ వాళ్లు పాలిస్తున్న సమయంలో జరిగిన నిజ సంఘటనల ఆధారంగా ఈ సినిమా తెరకెక్కుతోందని సమాచారం. యాక్షన్ సన్నివేశాలు ఈ సినిమాకు హైలెట్ గా నిలవనున్నాయని నందమూరి ఫ్యాన్స్ మెచ్చే అంశాలు ఈ సినిమాలో ఉండనున్నాయని సమాచారం. అభిషేక్ నామా ఖర్చు విషయంలో ఏ మాత్రం రాజీ పడకుండా ఈ సినిమాను నిర్మిస్తున్నారు. కళ్యాణ్ రామ్ బింబిసార మ్యాజిక్ ను ఈ సినిమాతో రిపీట్ చేయాలని ఫ్యాన్స్ కోరుకుంటున్నారు.

డెవిల్ సినిమాకు రికార్డ్ స్థాయిలో బిజినెస్ జరుగుతోందని సమాచారం అందుతోంది. కళ్యాణ్ రామ్ తర్వాత ప్రాజెక్ట్ లతో కూడా సక్సెస్ సాధిస్తే ఆయన మార్కెట్ మరింత పెరుగుతుంది.

గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!

ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!