కొందరికి కొన్ని పాత్రలు అస్సలు సెట్‌ కావు. ఆ పాత్ర ఆ హీరో వేస్తున్నాడు అంటే అభిమానుల్లో చిన్న గుబులు రేగుతుంది. అందులో సెంటిమెంట్ కూడా కలిసొస్తోంది అంటే ఇంకా భయపడుతుంటారు. అలా నాగచైతన్య అభిమానుల గుండెల్లో చిన్నపాటి గుబులు మొదలైంది. ఈ సారి కారణం పాత్రతోపాటు, అందులో నటీనటులు, సాంకేతిక నిపుణులు కూడా. ‘థ్యాంక్‌ యూ’ సినిమా విడుదలైపోయివడంతో.. కొన్ని రోజులు తర్వాత చైతు.. కొత్త సినిమా మొదలుపెడతాడు. ఆ సినిమాతోనే సమస్య అంతా అని చెప్పాలి.
నాగచైతన్య – వెంకట్‌ ప్రభు కాంబినేషన్‌లో ఓ సినిమా రూపొందనున్న విషయం తెలిసిందే ఇటీవల ఈ సినిమా ముహూర్తం కూడా జరుపుకుంది. త్వరలోనే షూటింగ్‌ కూడా అనుకుంటున్నారు. శ్రీనివాస సిల్వర్‌ స్క్రీన్‌ పతాకంపై నిర్మించబోతున్నారు. అయితే ఇదే నిర్మాణ సంస్థ నుండి ఇటీవల విడుదలైన ‘వారియర్’ సినిమా ఫలితం ఇప్పుడు నాగచైతన్య సినిమా మీద ఆందోళనలు కలిగిస్తోంది. దీనికి కారనం మొదట చెప్పినట్లు సినిమా టీమ్‌. ‘వారియర్’ సినిమాలో హీరోయిన్‌గా నటించిన కృతి శెట్టి..
ఇప్పుడు చైతన్య సినిమాలోనూ నటిస్తోంది. అందులో హీరో రామ్‌ పోలీసు, ఇందులో నాగచైతన్య కూడా పోలీసుగా కనిపించబోతున్నాడట. ఇటీవల చైతునే ఈ విషయం చెప్పాడు. ఇక ఆ సినిమా దర్శకుడు లింగుస్వామి తమిళియన్‌. వెంకట్‌ ప్రభు కూడా కోలీవుడ్‌కి చెందినవాడే. దీంతో ఇన్నేసి విషయాలు కామన్‌గా ఉన్నాయి అంటూ లెక్కలేస్తున్నారు అక్కినేని అభిమానులు. అందులోనూ చైతన్య గతంలో పోలీసుగా కనిపించిన ‘సాహసం శ్వాసగా సాగిపో’ తేడా కొట్టిన విషయం తెలిసిందే. అది కూడా తమిళ దర్శకుడి సినిమానే కావడం గమనార్హం.
దర్శకుడు వెంకట్‌ప్రభు పనితనం విషయంలో ఎవరికీ ఎలాంటి ఇబ్బంది లేదు. రెగ్యులర్‌ సినిమాలకు దూరంగా వెళ్తూ సినిమాలు చేయడం ఆయన స్టైల్‌. అలాంటి దర్శకుడితో ఫక్తు కమర్షియల్‌ పోలీసు కథ తీస్తే ఇబ్బంది తప్పదు. చూద్దాం మరి చైతన్య కథ ఎలాంటిది ఎంచుకున్నాడో, ఎలా ఉంబోతోందో. అన్నట్లు ఈ సినిమాకు వెంకట్‌ ప్రభు #VenatprabhuPolice అని ట్యాగ్ పెడతారేమో.
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
Home