వరుణ్ తేజ్, సాయి మంజ్రేకర్ హీరోహీరోయిన్లుగా స్పోర్ట్స్ బ్యాక్ డ్రాప్ లో తెరకెక్కిన గని మూవీ వచ్చే నెల 8వ తేదీన థియేటర్లలో విడుదల కానున్న సంగతి తెలిసిందే. ఇప్పటికే విడుదలైన ఈ సినిమా ట్రైలర్ ప్రేక్షకుల్లో సినిమాపై అంచనాలను పెంచింది. అల్లు బాబీ ఈ సినిమాను నిర్మిస్తుండగా కిరణ్ కొర్రపాటి ఈ సినిమాకు దర్శకత్వం వహించడం గమనార్హం. అయితే ఈ సినిమా షాకింగ్ బడ్జెట్ తో తెరకెక్కింది. నటీనటుల రెమ్యునరేషన్లతో కలిపి ఈ సినిమా బడ్జెట్ ఏకంగా 50 కోట్ల రూపాయలు అని సమాచారం.
వరుణ్ తేజ్ పై ఈ బడ్జెట్ ఎక్కువ మొత్తమే అని చెప్పాలి. వరుణ్ తేజ్ నటించిన ఫిదా సినిమా 50 కోట్ల రూపాయలకు పైగా షేర్ కలెక్షన్లను సాధించింది. ఎఫ్2 సినిమా కూడా ఫుల్ రన్ లో రికార్డు స్థాయిలో కలెక్షన్లను సాధించినా ఈ సినిమా మల్టీస్టారర్ కావడంతో వరుణ్ తేజ్ ఖాతాలో ఈ సినిమా సక్సెస్ ను వేయలేము. గని మూవీతో మరోసారి 50 కోట్ల రూపాయల షేర్ కలెక్షన్లను సాధించి వరుణ్ తేజ్ అరుదైన రికార్డును సొంతం చేసుకుంటారేమో చూడాల్సి ఉంది.
అయితే గని సినిమాకు ముందు నుయ్యి వెనుక గొయ్యి అనే పరిస్థితి నెలకొంది. ఆర్ఆర్ఆర్ మూవీ ప్రభంజనం కొనసాగితే గని సినిమాకు ఆశించిన స్థాయిలో కలెక్షన్లు వచ్చే ఛాన్స్ ఉండదు. ఏప్రిల్ నెల 13వ తేదీన బీస్ట్, ఏప్రిల్ 14వ తేదీన కేజీఎఫ్ ఛాప్టర్2 రిలీజ్ కానున్నాయి. అరబిక్ కుత్తు సాంగ్ వల్ల బీస్ట్ మూవీపై అంచనాలు పెరగగా కేజీఎఫ్ ఛాప్టర్1 సక్సెస్ సాధించడంతో కేజీఎఫ్ ఛాప్టర్2 పై అంచనాలు పెరిగాయి.
కరోనా వల్ల వాయిదా పడటం, వరుణ్ తేజ్ కాలికి అయిన గాయాల వల్ల గని షూటింగ్ వాయిదా పడటం, విదేశాల నుంచి బాక్సర్లను తెప్పించడం వల్ల ఈ సినిమాకు అంచనాలను మించి ఖర్చు అయిందని తెలుస్తోంది.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
Home