Virupaksha: కాంతార మ్యాజిక్ ను రిపీట్ చేయడం విరూపాక్షకు సాధ్యమేనా?

April 27, 2023 / 11:41 AM ISTByFilmy Focus

Join Us

Virupaksha: కాంతార మ్యాజిక్ ను రిపీట్ చేయడం విరూపాక్షకు సాధ్యమేనా?

కాంతార మూవీ కన్నడలో చిన్న సినిమాగా విడుదలై ఆ తర్వాత భాషతో సంబంధం లేకుండా బ్లాక్ బస్టర్ హిట్ గా నిలిచిందనే సంగతి తెలిసిందే. ఊహించని స్థాయిలో పబ్లిసిటీ జరగడం కాంతార సినిమాకు వరంగా మారింది. గతేడాది విడుదలైన బిగ్గెస్ట్ బ్లాక్ బస్టర్ హిట్లలో ఈ సినిమా కూడా ఒకటిగా నిలవడం గమనార్హం. అయితే తాజాగా విడుదలైన విరూపాక్ష సినిమా కూడా మతో కాంతార అవుతుందని ఫ్యాన్స్ భావిస్తున్నారు. మరో 10 రోజుల తర్వాత ఈ సినిమా ఇతర భాషల్లో విడుదల కానుందని తెలుస్తోంది.

తెలుగులో విరూపాక్ష సినిమాకు పాజిటివ్ టాక్ రావడంతో ఇతర భాషల ప్రేక్షకులు సైతం ఈ సినిమా కోసం ఆసక్తిగా ఎదురుచూస్తున్నారు. ఇతర భాషల్లో కూడా ఈ సినిమాలోని ట్విస్టుల వల్ల ఈ మూవీ వర్కౌట్ అయ్యే ఛాన్స్ ఉంది. నాలుగు రోజుల్లోనే తెలుగు రాష్ట్రాల్లో ఈ సినిమా బ్రేక్ ఈవెన్ అయిందనే సంగతి తెలిసిందే. అయితే ఇతర భాషల్లో సైతం విరూపాక్ష కాంతార మ్యాజిక్ ను రిపీట్ చేస్తుందేమో చూడాల్సి ఉంది.

విరూపాక్ష (Virupaksha) సక్సెస్ ఈ సినిమా కోసం పని చేసిన నటీనటులకు, టెక్నీషియన్లకు మంచి పేరును తెచ్చిపెట్టింది. విరూపాక్ష సినిమాకు విక్రాంత్ రోణ సినిమాకు ఈ సినిమాకు పోలికలు ఉన్నాయని కొంతమంది చెబుతున్నా రెండు సినిమాలను చూసిన ప్రేక్షకులు ఆ కామెంట్లలో నిజం లేదని అభిప్రాయం వ్యక్తం చేస్తున్నారు.

సాయితేజ్ కు తర్వాత సినిమాలతో కూడా విజయాలు దక్కాలని ఫ్యాన్స్ కామెంట్లు చేస్తున్నారు. కథల విషయంలో సాయితేజ్ మరింత జాగ్రత్తగా వ్యవహరించాల్సిన అవసరం అయితే ఉందని చెప్పవచ్చు. విరూపాక్ష ఫుల్ రన్ లో ఏ రేంజ్ లో కలెక్షన్లను సాధిస్తుందో చూడాలి. నిర్మాతలకు ఈ సినిమా భారీ లాభాలను అందిస్తోందని తెలుస్తోంది.