WWW Trailer: ఆకట్టుకుంటున్న శివానీ రాజశేఖర్ ‘WWW’ మూవీ ట్రైలర్..!

కళ్యాణ్ రామ్ తో ‘118` వంటి చిత్రాన్ని తెర‌కెక్కించి దర్శకుడిగా చేసిన మొదటి చిత్రంతోనే సూపర్ హిట్ ను అందుకున్నాడు ప్రముఖ సినిమాటోగ్రాఫర్‌ కేవి గుహన్‌. ఈయన దర్శకత్వంలో రూపొందుతోన్న ఫస్ట్‌ కంప్యూటర్‌ స్క్రీన్‌ తెలుగు మూవీ ‘WWW(WHO WHERE WHY). అదిత్‌ అరుణ్, శివాని రాజశేఖర్‌ హీరో హీరోయిన్లుగా నటించిన ఈ చిత్రాన్ని రామంత్ర క్రియేషన్స్ పతాకం పై డా. రవి పి. రాజు దాట్ల నిర్మించారు. ఇప్ప‌టికే విడుద‌లైన ఫ‌స్ట్‌లుక్ పోస్ట‌ర్స్‌, టీజ‌ర్‌, లిరిక‌ల్ సాంగ్స్‌కి మంచి స్పందన లభించింది.

ఈ చిత్రాన్ని నేరుగా ఓటిటి రిలీజ్ చేయబోతున్నట్టు ఇటీవల ప్రచారం జరిగిన సంగతి తెలిసిందే.దానిని నిజం చేస్తూ ఇటీవల డిసెంబర్ 24న సోనీ లివ్ ఓటిటిలో విడుదల చేయబోతున్నట్టు నిర్మాతలు అధికారికంగా ప్రకటించారు. ప్రమోషన్లలో భాగంగా నిన్న ప్రీ రిలీజ్ ఈవెంట్ ను కూడా ఘనంగా నిర్వహించారు. ఇందులో భాగంగా ట్రైలర్ ను శివాని తండ్రి, హీరో రాజశేఖర్ విడుదల చేశారు. ట్రైలర్ విషయానికి వస్తే… లాక్ డౌన్లో వర్క్ ఫ్రమ్ హోమ్ చేస్తూ విర్చువల్ మీట్ లో కనెక్ట్ అయ్యే స్నేహితుల మధ్య సాగే కథ ఇదని స్పష్టమవుతుంది.

తెలుగులో రూపొందిన తొలి కంప్యూటర్ బేస్డ్ మూవీ అని చిత్ర బృందం ముందు నుండీ చెబుతూనే వచ్చింది. మిత్ర అనే పాత్ర‌లో శివాని కనిపించనుంది.వర్క్ ఫ్రమ్ హోమ్ చేస్తూనే హీరో ఆదిత్ తో ప్రేమలో పడడం… అటు తర్వాత ఆమె ఏదో ప్రమాదంలో చిక్కుకోవడం.. అటు తర్వాత జరిగే పరిణామాలు ఏంటి? చివరికి ఆమె ఫ్రెండ్స్ ఆమెను ఎలా కాపాడుకున్నారు అనే సస్పెన్స్ ఎలిమెంట్స్ తో ఈ చిత్రం ట్రైలర్ చాలా థ్రిల్లింగ్ గా సాగింది. ట్రైలర్ ఆకట్టుకునే విధంగా ఉండడమే కాకుండా సినిమా పై అంచనాల్ని కూడా పెంచిందని చెప్పాలి. ఇంకెందుకు ఆలస్యం మీరు కూడా ఓ లుక్కేయండి :

పుష్ప: ది రైజ్ సినిమా రివ్యూ & రేటింగ్!

‘పుష్ప’ చిత్రంలో ఆకర్షించే అంశాలు..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!