రెజీనా కావాలని పట్టుబడుతున్న యువ హీరోలు

తెలుగు యువ హీరోలు తమ పక్కన ప్రతి సినిమాకి కొత్త భామ ఉండేలా ప్లాన్ చేస్తున్నారు. అది తమ సినిమా విజయానికి దోహదం చేస్తుందని భావిస్తున్నారు. అయితే చిత్ర సీమలో అడుగుపెట్టి పదేళ్లు అవుతున్నా మంచి బ్రేక్ కోసం ఎదురుచూస్తున్న రెజీనా తో మళ్ళీ నటించాలని కుర్ర హీరోలు తాపత్రయ పడుతున్నారు.  పిల్లా నువ్వు లేని జీవితం, సుబ్రమణ్యం ఫర్ సేల్ సినిమాల్లో సాయి ధరమ్ తేజ్, రెజీనాతో కలిసి నటించాడు.  ఇద్దరి మధ్య ప్రేమ ఉందని గుప్పుమనడంతో రెండు చిత్రాలకు రెజీనాను పక్కన పెట్టాడు. ఇప్పుడు తన నెక్స్ట్ సినిమాకి ఆమెనే హీరోయిన్ గా పెట్టుకోవాలని పావులు కదుపుతున్నట్లు తెలిసింది. ఇక రొటీన్ లవ్ స్టోరి, రా రా కృష్ణయ్య చిత్రాల్లో సందీప్ కిషన్, రెజీనా హీరో హీరోయిన్లుగా నటించారు. ఈ రెండు ఫెయిల్ అయినప్పటికీ కృష్ణవంశీ దర్శకత్వంలో తెరకెక్కుతున్న నక్షత్రం సినిమాలో రెజీనాని సందీప్ ఏరికోరి పెట్టుకున్నట్లు సమాచారం.

ఇక యంగ్ హీరో నారా రోహిత్ కూడా రెజీనా పైనే కన్ను వేసాడు. వీరిద్ద‌రూ ఇప్ప‌టికే జ్యో అచ్యుతానంద, శంక‌ర సినిమాల్లో క‌లిసి న‌టించారు. మూడోసారి జత కట్టేందుకు సిద్ధమవుతున్నారు. పవన్ మల్లెలను దర్శకుడిగా పరిచయం చేస్తూ తెరకెక్కిస్తున్న కొత్త సినిమాలో నారా రోహిత్ హీరోయిన్ గా రెజీనాని రికమెండ్ చేసినట్లు టాక్. మరి ఈ ముగ్గురు హీరోలను ఆకట్టుకున్న విషయం రెజీనాలో ఏముందోనని టాలీవుడ్ వర్గాలవారు ప్రశ్నించుకుంటున్నారు. దీనికి సమాధానం ఆ ముగ్గురు యువహీరోలే చెప్పాలి.

Also, do SUBSCRIBE to our YouTube channel to get latest Tollywood updates.