హెబ్బా ఈ ఛాన్స్ ఉంటే ఎంతవరకూ కలిసొస్తుందో..?

‘అలా ఎలా’ చిత్రంతో హీరోయిన్ గా ఎంట్రీ ఇచ్చిన హెబ్బా పటేల్.. తొలి చిత్రం తోనే డీసెంట్ హిట్ అందుకుంది. ఇక ఆ తరువాత వచ్చిన ‘కుమారిF’ చిత్రంతో మంచి క్రేజ్ సంపాదించుకుంది. ఈ చిత్రం సూపర్ హిట్టవ్వడం… అందులోనూ హెబ్బా నటన అద్భుతంగా ఉందని ప్రశంసలు రావడంతో.. ఈమె దశ తిరిగినట్టే అని అందరూ అనుకున్నారు. కానీ ఈమెకు పెద్ద ఆఫర్లు అయితే రాలేదు. ‘ఈడో రకం ఆడో రకం’ ‘నేను నాన్న బాయ్ ఫ్రెండ్స్’ ‘ఎక్కడికి పోతావ్ చిన్నవాడా’ వంటి హిట్ చిత్రాలలో నటించినా ఈమెకు కలిసి రాలేదు. ఎన్నో ఆశలు పెట్టుకుని… వరుణ్ తేజ్, శ్రీను వైట్ల కాంబినేషన్లో చేసిన ‘మిస్టర్’ సినిమా కూడా డిజాస్టర్ కావడం ఆమెకు పెద్ద మైనస్ పాయింట్. కనీసం ఈ చిత్రం హిట్టయినా ఆమెకు ఆఫర్లు ఉండేవేమో. ఇక అటుతరువాత వచ్చిన ‘ఏంజెల్’ ’24 కిస్సెస్’ చిత్రాలు ఇలా వచ్చి అలా వెళ్ళిపోయాయి.

ఇప్పుడు హెబ్బా చేతిలో ఒక్క ఆఫర్ కూడా లేదు. ఈ క్రమంలో ‘బిగ్ బాస్3’ కి ఆఫర్ వచ్చిందని సమాచారం. నిజానికి ‘బిగ్ బాస్2’ లో కూడా ఆమెకు అవకాశం వచ్చినా.. అప్పుడు రెండు సినిమాలతో బిజీగా ఉండడంతో… ఆ ఛాన్స్ పూజా రామచంద్రన్ కు లభించింది. సో ఈసారి మాత్రం ‘బిగ్ బాస్3’ తో తన అదృష్టాన్ని పరీక్షించుకోవాలని ప్రయత్నిస్తున్నట్ట్టు సమాచారం. అయితే తెలుగు ‘బిగ్ బాస్’ కి వచ్చిన కంటెస్టెంట్ లకి పెద్దగా అవకాశాలు రావడం లేదు. హిందీ, తమిళ బిగ్ బాస్ లో పాల్గొన్నవారికి మాత్రం మంచి ఆఫర్లు వస్తున్నాయి. కనీసం ‘బిగ్ బాస్’ విన్నర్లు అయిన శివ బాలాజీ, కౌశల్ కూడా ఆఫర్లు రావడం లేదు. ఇలాంటి తరుణంలో ‘బిగ్ బాస్3’ హెబ్బా కు ఎంతవరకూ కలిసొస్తుందో చూడాలి.