12 Years For Rabhasa: ‘బృందావనం’ని రసాబస చేస్తే ‘రభస’ అయ్యిందా? 12 ఏళ్ళ క్రితం అలా?!

హిట్టు ఫార్ములా.. అన్ని సార్లు వర్కౌట్ అవ్వదు. అందరి హీరోల సంగతి ఎలా ఉన్నా? ఎన్టీఆర్..కి ఈ విషయంలో మంచి అవగాహన ఉంది. అయినప్పటికీ తప్పులు మీద తప్పులు చేస్తూనే వచ్చాడు. ‘ఆది’ హిట్ అయ్యిందని వినాయక్ తోనే ‘సాంబ’ చేశాడు. ఓవర్ మాస్ అవ్వడంతో ఆశించిన స్థాయిలో ఫలితం దక్కలేదు. ‘అల్లరి రాముడు’ వర్కౌట్ అవ్వకపోయినా అలాంటి కథా నేపధ్యంతోనే ‘నా అల్లుడు’ చేశాడు. ఫలితం సేమ్. ‘నరసింహుడు’ లైన్ తోనే ‘రామయ్యా వస్తావయ్యా’ చేశాడు. ఫలితం మారలేదు.

Rabhasa

సరే.. ఎన్టీఆర్ ఫ్యామిలీ ఆడియన్స్ కి దూరమైపోతున్నాడు అనుకున్న టైమ్లో ‘బృందావనం’ చేశాడు. అది మంచి విజయం సాధించింది. వంశీ పైడిపల్లిని దర్శకుడిగా నిలబెట్టింది. ఆల్మోస్ట్ అదే లైన్ తో ‘రభస'(Rabhasa) చేశాడు ఎన్టీఆర్. సంతోష్ శ్రీనివాస్ దర్శకత్వంలో ఎన్టీఆర్ చేసిన సినిమా ఇది. బెల్లంకొండ సురేష్ నిర్మాత. సమంత, ప్రణీత హీరోయిన్లు. తమన్ సంగీత దర్శకుడు. క్రేజీ కాంబో అయినప్పటికీ సినిమా బాక్సాఫీస్ వద్ద దారుణంగా ఫెయిల్ అయ్యింది.

2014 ఆగస్టు 29న వినాయక చవితి కానుకగా ‘రభస’ రిలీజ్ అయ్యింది. ‘కందిరీగ’ వంటి బ్లాక్ బస్టర్ ఇచ్చిన దర్శకుడు. ‘అత్తరింటికి దారేది’ వంటి ఇండస్ట్రీ హిట్ సినిమాలో నటించిన హీరోయిన్లు(సమంత, ప్రణీత). వరుస హిట్లతో ఫాంలో ఉన్న బెల్లంకొండ సురేష్ నిర్మాత. అయినా సరే ఎన్టీఆర్ ను హిట్ ట్రాక్ ఎక్కించలేకపోయారు. కారణం.. ఈ సినిమా కథ, కథనాలు ఆల్మోస్ట్ ఎన్టీఆర్ ‘బృందావనం’ సినిమాకి సిమిలర్ గా ఉండటం.

‘కందిరీగ’ స్టైల్ కామిడీ వర్కౌట్ అవ్వకపోవడం.. తమన్ రెగ్యులర్ మ్యూజిక్.. వంటివి అన్నీ ఆడియన్స్ కి ఇరిటేషన్ తెప్పించాయి. క్రేజీ కాంబినేషన్, పైగా సెలవు రోజు రిలీజ్ అవ్వడంతో ఓపెనింగ్స్ అయితే భారీగా వచ్చాయి. కానీ తర్వాత బాక్సాఫీస్ వద్ద నిలబడలేకపోయింది. ‘రామయ్య వాస్తవయ్యా’ని మించి బాక్సాఫీస్ వద్ద డిజాస్టర్ గా మిగిలింది ‘రభస’. నేటితో ఈ సినిమా రిలీజ్ అయ్యి 12 ఏళ్ళు పూర్తికావస్తోంది. ఓపిక ఉంటే..యూట్యూబ్, అమెజాన్ ప్రైమ్ వంటి ప్లాట్ ఫామ్స్..లో అందుబాటులో ఉంది. ఒక లుక్కేయండి..!

క్రిస్మస్‌కి బాలయ్య వర్సెస్ నాగార్జున