అక్షయ్ క్రేజ్ తో ‘బాహుబలి’ రికార్డు బ్రేక్

రజినీ – శంకర్ హ్యాట్రిక్ కంబినేషన్లో వచ్చిన ‘2.0’ చిత్రం మంచి రివ్యూలను సొంతం చేసుకున్నప్పటికీ కలెక్షన్లను మాత్రం ఎక్కువ రాబట్టలేక ఇబ్బంది పడుతోంది. ముఖ్యంగా తెలుగు, తమిళ భాషల్లో కలెక్షన్స్ సోమవారం నుండీ డ్రాప్ అయ్యాయి. అయితే హిందీలో మాత్రం ఈ చిత్రం మంచి కలెక్షన్లను రాబడుతోంది. దీనికి ప్రధాన కారణం అక్షయ్ కుమార్ ‘2.0’ లో ప్రధాన పాత్రలో నటించడం అని చెప్పడంలో సందేహం లేదు. బాలీవుడ్ లో అక్షయ్ మార్కెట్ ను బేస్ చేసుకుని మంచి కలెక్షన్లను రాబడుతోంది ట్రేడ్ వర్గాలు చెబుతున్నాయి.

తాజాగా ‘2.0’ చిత్రం ‘బాహుబలి’ కలెక్షన్స్ ను క్రాస్ చేసిందట. అయితే ‘బాహుబలి2’ ను కాదు… ‘బాహుబలి ది బిగినింగ్’ కల్లెక్షన్లను ‘2.0’ క్రాస్ చేసిందట. ‘బాహుబలి ది బిగినింగ్’ హిందీ వెర్షన్ ఫుల్ రన్ లో 117 కోట్ల షేర్ ను వసూలు చేయగా… ‘2.0’ హిందీ వెర్షన్ కు కేవలం 5 రోజుల్లోనే 120 కోట్ల షేర్ ను రాబట్టడం విశేషం. ఫుల్ రన్ లో ‘బాహుబలి 2’ కలెక్షన్స్ సాధించే అవకాశం లేదంటున్నాయి ట్రేడ్ వర్గాలు. ‘బాహుబలి 2’ హిందీ వెర్షన్ దాదాపు 511 కోట్ల షేర్ ను రాబట్టి అక్కడ రికార్డులు క్రియేట్ చేసింది.