23 Years For Tagore: ‘ఠాగూర్’ కి 23 ఏళ్ళు.. టోటల్ కలెక్షన్స్ ఇవే..!

వరుస ఫ్లాప్స్ తర్వాత ‘ఇంద్ర’ తో స్ట్రాంగ్ కంబ్యాక్ ఇచ్చారు మెగాస్టార్ చిరంజీవి. ఆ తర్వాత వి వి వినాయక్ అనే అప్ కమింగ్ దర్శకుడితో సినిమా చేస్తున్నట్టు ప్రకటించారు. ‘ఆది’ వంటి సూపర్ హిట్ మూవీ తర్వాత వి వి వినాయక్ ‘చెన్నకేశవరెడ్డి’ చిత్రాన్ని తెరకెక్కించారు. అది పెద్దగా ఆడలేదు. అయినప్పటికీ చిరు పిలిచి మరీ ‘రమణ’ చిత్రం రీమేక్ దర్శకత్వ బాధ్యతల్ని వినాయక్ కి అప్పగించారు. మధ్యలో నితిన్ తో ‘దిల్’ అనే యూత్ఫుల్ సినిమా తీసి హిట్ కొట్టారు వినాయక్.

Tagore

ఇక ‘రమణ’ తమిళంలో పెద్ద హిట్ సినిమా. మురుగదాస్ డైరెక్ట్ చేసిన సినిమా అది. తెలుగు వెర్షన్ కూడా మురుగదాస్ డైరెక్ట్ చేయాలి. కానీ కథలో మార్పులు కోరడంతో.. ముఖ్యంగా క్లైమాక్స్ మార్చమని చిరు కోరడంతో ఆయన చేయలేదు. దీంతో వి వి వినాయక్ కి ‘రమణ’ చిత్రాన్ని రీమేక్ చేసే అవకాశం దక్కింది. ఆ బాధ్యతని ఆయన సమర్దవంతంగా నిర్వర్తించారు అని చెప్పాలి. ఎందుకంటే ‘ఠాగూర్'(Tagore) టైటిల్ తో వచ్చిన ఈ సినిమా బాక్సాఫీస్ వద్ద సూపర్ హిట్ గా నిలిచింది.

బాక్సాఫీస్ వద్ద కూడా భారీ వసూళ్లు సాధించింది. సోషల్ మెసేజ్ ఉన్న సినిమా అయినప్పటికీ అన్ని వర్గాల ప్రేక్షకులకి నచ్చే కమర్షియల్ ఎలిమెంట్స్ ను మిస్ కాకుండా దర్శకుడు వినాయక్ బాగా హ్యాండిల్ చేశారు. ఈ సెప్టెంబర్ 24కి ‘ఠాగూర్’ రిలీజ్ అయ్యి 23 ఏళ్ళు పూర్తవుతున్న నేపధ్యంలో ఒకసారి క్లోజింగ్ కలెక్షన్స్ ను ఓ లుక్కేద్దాం రండి :

‘ఠాగూర్’ చిత్రం వరల్డ్ వైడ్ గా రూ.18.40 కోట్ల బ్రేక్ ఈవెన్ టార్గెట్ తో బరిలోకి దిగింది. అయితే ఫుల్ రన్ ముగిసేసరికి ఈ సినిమా ఏకంగా రూ.27.65 కోట్ల షేర్ ను రాబట్టింది. డిస్ట్రిబ్యూటర్స్ కి రూ.9.25 కోట్ల లాభాలు అందించి బిగ్గెస్ట్ బ్లాక్ బస్టర్ గా నిలిచింది ‘ఠాగూర్’. 192 కేంద్రాల్లో శతదినోత్సవం జరుపుకున్న ఈ సినిమా.. ‘ఇంద్ర’ వసూళ్ళకి కొద్ది దూరంలో ఆగిపోయింది.

ఆ స్టార్స్ కి శత్రువులు ఎక్కువట