కొన్ని వార్తలు ఇంకా ఫైనల్ కాకుండానే వాటికి అనుబంధ వార్తలు పుట్టుకొస్తుంటాయి. వాటిని పట్టించుకోవద్దు అనుకున్నా.. అవి ఆసక్తికరంగా ఉండటంతో వాటి గురించి చెప్పాల్సి వస్తుంది. అలాంటి వాటిలో ఒక వార్తనే ఈ వార్త. ఎన్టీఆర్ త్వరలో బాలీవుడ్ ఎంట్రీ ఇస్తారు అంటూ ఆ మధ్య వార్త వచ్చింది. దీనిపై బాలీవుడ్ మీడియా పెద్దలు చాలామంది ట్వీట్లు పెట్టి కన్ఫామ్ చేసేశారు. అయితే అఫీషియల్ సమాచారం రాలేదు. అయితే ఇప్పుడు ఆ వార్తకు అనుబంధంగా ఆ సినిమాలో హీరోయిన్ ఎవరు అనే వార్త బయటకు వచ్చింది.
హృతిక్ రోషన్ – (Jr NTR) ఎన్టీఆర్తో బాలీవుడ్లో ఓ మల్టీస్టారర్ తెరకెక్కిస్తారనే విషయం తెలిసిందే. అది ‘వార్ 2’ అవుతుందని కూడా చెబుతున్నారు. యశ్రాజ్ స్పై యూనివర్స్లో భాగంగా ఈ సినిమా తెరకెక్కనుంది. ‘బ్రహ్మాస్త్ర’ సినిమాతో అదరగొట్టిన అయాన్ ముఖర్జీ దర్శకత్వంలో ఈ సినిమా ఉంటుందని సమాచారం. ఆ సినిమాలో కథానాయికను ఎంపిక చేసే కసరత్తు ప్రస్తుతం జరుగుతోందట. దీని కోసం చర్చలో ముగ్గురు హీరోయిన్ల పేర్లను సిద్ధం చేశారట.
హృతిక్ రోషన్, టైగర్ ష్రాప్ కలసి నటించిన చిత్రం ‘వార్’. దీనికి సీక్వెల్గా ‘వార్ 2’ చేయనున్నారు. ఈ సినిమా కోసం దీపికా పదుకొణె, ఆలియా భట్, శర్వరీ వాఘ్ పేర్లను పరిశీలిస్తున్నారట. మొదటి ఇద్దరు సీనియర్లు కాగా, ఆఖరి ఆమె యువ నాయిక అని చెప్పాలి. ఈ ముగ్గురి కాల్షీట్లు బట్టి నాయికను ఫైనల్ చేసే ఆలోచనలో ఉన్నారట చిత్రబృందం. అయితే ఈ సినిమాలో ఇద్దరు నాయికలకు అవకాశం ఉంది అని కూడా అంటున్నారు.
ఇక ఈ సినిమా కోసం హృతిక్ డిసెంబరులో కాల్షీట్లు ఇచ్చినట్లు సమాచారం. అంటే అప్పటి నుండే సినిమా మొదలవుతుంది. ఈ లోపు కొరటాల శివ సినిమాను ఎన్టీఆర్ పూర్తి చేయాల్సి ఉంటుంది. ఈ మేరకు త్వరలోనే సినిమాను అఫీషియల్గా యశ్రాజ్ ఫిల్మ్స్ అనౌన్స్ చేస్తుందని టాక్.
ఏజెంట్ సినిమా రివ్యూ & రేటింగ్!
పొన్నియన్ సెల్వన్సినిమా రివ్యూ & రేటింగ్!
బట్టలు లేకుండా నటించిన వారిలో ఆ హీరోయిన్ కూడా ఉందా?
పెళ్లికి ముందు గర్భవతి అయిన హీరోయిన్స్.. ఈ లిస్ట్ లో ఆ హీరోయిన్ కూడా ఉందా
