Anil Ravipudi: అనిల్ రావిపూడి నెక్స్ట్ సినిమాకి ముగ్గురు నిర్మాతలా?

స్టార్ డైరెక్టర్ అనిల్ రావిపూడి(Anil Ravipudi) నెక్స్ట్ ప్రాజెక్ట్ కోసం భారీ ప్లాన్ రెడీ చేసుకున్నాడు. విక్టరీ వెంకటేష్, నందమూరి కళ్యాణ్ రామ్ కాంబినేషన్‌లో ఓ భారీ మల్టీస్టారర్ తెరకెక్కించేందుకు అనిల్ స్క్రిప్ట్ వర్క్ వేగవంతం చేశాడు.

Anil Ravipudi

ప్రస్తుతం ఫైనల్ స్టేజ్‌లో ఉన్న ఈ స్టోరీ మే నాటికి పూర్తిగా సిద్ధం కానుంది. జూన్ నెలాఖరుకల్లా ప్రీ-ప్రొడక్షన్ పనులు కంప్లీట్ చేసి, జులై నుంచి రెగ్యులర్ షూటింగ్ స్టార్ట్ చేయాలని మూవీ టీమ్ టార్గెట్‌గా పెట్టుకుంది.

ఈ క్రేజీ మల్టీస్టారర్ కోసం ఏకంగా ముగ్గురు బడా నిర్మాతలు చేతులు కలపబోతున్నారు అని తెలుస్తోంది. సాహు గారపాటికి చెందిన షైన్ స్క్రీన్స్, సురేష్ ప్రొడక్షన్స్, జీ స్టూడియోస్ సంస్థలు సంయుక్తంగా ఈ చిత్రాన్ని నిర్మించబోతున్నాయట.

ఇందులో సురేష్ ప్రొడక్షన్స్ కేవలం సమర్పకుడిగా ఉంటూ ప్రాఫిట్ షేర్ తీసుకోనుంది. ఇక కార్పొరేట్ దిగ్గజం ‘జీ స్టూడియోస్’ పెట్టుబడి పెడుతూ నాన్-థియేట్రికల్ రైట్స్ దక్కించుకోనుంది. అయితే ఈ డీల్‌లో మేజర్ షేర్ మాత్రం ‘షైన్ స్క్రీన్స్’ సంస్థదే కావడం గమనార్హం.ఈ సినిమాలో ఇద్దరు హీరోయిన్లకు ఛాన్స్ ఉండగా.. అందులో ఒకరుగా మహానటి కీర్తి సురేష్‌ను ఫైనల్ చేశారు. మరో హీరోయిన్ ఎవరనేది త్వరలోనే ఫిక్స్ చేయనున్నారు.

ఈ సినిమాకి కూడా భీమ్స్ సిసిరోలియో సంగీతం అందించనున్నారు. త్వరలోనే ఈ క్రేజీ ప్రాజెక్ట్‌పై మేకర్స్ నుండి అఫీషియల్ అనౌన్స్‌మెంట్ రానుంది. అవుట్ అండ్ అవుట్ ఎంటర్‌టైనర్‌గా రాబోతున్న ఈ సినిమా బాక్సాఫీస్ దగ్గర ఎలాంటి సెన్సేషన్ క్రియేట్ చేస్తుందో చూడాలి.

రోడ్డు ప్రమాదంలో యువనటి మృతి