38 Years For ‘Station Master’: ఇది జీవిత- రాజశేఖర్..ల ‘గీత గోవిందం’

సినిమాల్లో కలిసి నటించిన చాలా జంటలు నిజజీవితంలో పెళ్లి చేసుకుని సెటిల్ అవ్వడం మనం ఎప్పటినుండో చూస్తూనే ఉన్నాం. కృష్ణ- విజయ నిర్మల నుండి విజయ్- రష్మిక వరకు ఎంతో మంది హీరో హీరోయిన్లు నిజజీవితంలో కూడా ప్రేమలో పడి పెళ్లి పీటలెక్కారు. ఈ లిస్టులో జీవిత- రాజశేఖర్ దంపతులు కూడా ఉన్నారు. తమిళనాడుకి చెందిన జీవిత, రాజశేఖర్..లు కెరీర్ ప్రారంభంలో పలు సినిమాల్లో కలిసి నటించారు.

38 Years For ‘Station Master’

తర్వాత వారు ప్రేమలో పడటం.. పెళ్లి చేసుకోవడం జరిగింది. తర్వాత కథ అందరికీ తెలిసిందే కదా..!అయితే ఈ జంట ఏ సినిమా టైంలో ప్రేమలో పడ్డారు అనేది చాలా మందికి తెలిసుండదు. ఆ సినిమానే ‘స్టేషన్ మాస్టర్'(Station Master).

అవును కోడి రామకృష్ణ దర్శకత్వం వహించిన ఈ సినిమాలో రాజశేఖర్, రాజేంద్ర ప్రసాద్..లు హీరోయిన్లుగా నటించారు. రాజశేఖర్ కి జోడీగా జీవిత నటించగా.. రాజేంద్రప్రసాద్ కి జోడీగా అశ్విని నటించారు. రావు గోపాల్ రావు ఈ చిత్రానికి ఓ నిర్మాత. ఆయనే ఈ సినిమాలో టైటిల్ రోల్ పోషించారు అని చెప్పాలి. 1988 మార్చి 4న ఈ సినిమా రిలీజ్ అయ్యింది. నేటితో ఈ సినిమా రిలీజ్ అయ్యి 38 ఏళ్ళు పూర్తికావస్తోంది. క్లీన్ ఫ్యామిలీ ఎంటర్టైనర్ ఇది.

రాజశేఖర్ మొదట్లో విలన్ గా చేసి ఆ తర్వాత ఇలాంటి కుటుంబ కథా సినిమాల్లో నటించారు. ఆ టైంలో ఆయనకి లేడీ ఫ్యాన్ ఫాలోయింగ్ కూడా ఏర్పడింది. తర్వాత యాక్షన్ సినిమాలు చేశారు యాంగ్రీ స్టార్ ఇమేజ్ పొందారు. అయితే రాజశేఖర్ ని ఫ్యామిలీ ఆడియన్స్ కి దగ్గర చేసిన సినిమాల్లో ‘స్టేషన్ మాస్టర్’ ఒకటి. ఈ సినిమా టైంలోనే జీవిత- రాజశేఖర్..ల మధ్య ప్రేమ చిగురించింది.

తర్వాత పెళ్లి కూడా చేసుకున్నారు.విజయ్- రష్మిక..లకి ‘గీత గోవిందం’ ఎంత స్పెషలో. రాజశేఖర్- జీవితాలకి ‘స్టేషన్ మాస్టర్’ అంత స్పెషల్ అన్నమాట.

ఉస్తాద్ భగత్ సింగ్… దేవి ఔట్.. తమన్ ఇన్