మహేష్ బాబు డిజాస్టర్ సినిమా కూడా రికార్డు కొట్టిందిగా..!

మహేష్ బాబు కెరీర్ లో ఫ్యాన్స్ ను బాగా నిరాశపరిచిన సినిమాల లిస్టు లో ‘ఆగడు’ చిత్రం కూడా ఉంటుంది అనడంలో ఎటువంటి సందేహం అక్కర్లేదు. ‘1 నేనొక్కడినే’ మూవీ డిజాస్టర్ అయిన బాధలో మహేష్ ఫ్యాన్స్ ఉన్నప్పుడు…’ ‘ఆగడు’ చిత్రం హిట్ అయ్యి వారి బాధను తీరుస్తుందిలే’.. అని వారు ఆశ పడితే… ఆ చిత్రం మహేష్ ఫ్యాన్స్ కు.. ‘పుండు మీద కారం జల్లినట్టు’ చేసింది. ‘దూకుడు’ వంటి బ్లాక్ బస్టర్ ఇచ్చి మళ్ళీ మహేష్ కు పూర్వ వైభవం తీసుకొచ్చిన డైరెక్టర్ శ్రీను వైట్ల…. వారి ఆశల పై నీళ్లు జల్లాడనే చెప్పాలి.

‘దూకుడు’ డైరెక్టరే కదా అనే గుడ్డి నమ్మకంతో మహేష్ బాబు..శ్రీను వైట్ల చెప్పిన ఓ లైన్ వినేసి.. ‘ఆగడు’ ప్రాజెక్టుకి ఓకే చెప్పేసాడు. కానీ సినిమా పెద్ద డిజాస్టర్ అయ్యింది. అయితే తాజాగా ఈ చిత్రం ఓ రికార్డు కొట్టడం ఆశ్చర్యం కలిగించే విషయం. ‘ఆగడు’ హిందీ డబ్బింగ్ వెర్షన్ ను యూట్యూబ్లో పలు పేర్లతో … కొన్ని ఛానల్స్ లో విడుదల చేశారు. ఇప్పుడు అన్ని ఛానల్స్ కలిపి ‘ఆగడు’ చిత్రం 500 మిలియన్ల వ్యూస్ ను నమోదు చేసిందట.

తెలుగులో ప్లాప్ అయిన చిత్రాలను హిందీ ప్రేక్షకులు ఎగబడి చూస్తున్నారు.ప్రతీ తెలుగు సినిమా హిందీ వెర్షన్ కు 100 మిలియన్ల పైనే వ్యూస్ నమోదవుతుండడం చూస్తూనే వస్తున్నాం. ఈ మధ్య కాలంలో ‘ ఛల్ మోహన్ రంగ’ ‘శ్రీనివాస కళ్యాణం’ ‘సవ్యసాచి’ వంటి డిజాస్టర్ సినిమాలు కూడా 100 మిలియన్ల వ్యూస్ ను నమోదుచేసిన సంగతి తెలిసిందే..!

Most Recommended Video

తన 24 ఏళ్ళ కెరీర్లో పవన్ కళ్యాణ్ రిజెక్ట్ చేసిన సినిమాలు… లిస్ట్ లో చాలా హిట్ సినిమాలు ఉన్నాయి!
34 ఏళ్ళ సినీ కెరీర్ లో ‘కింగ్’ నాగార్జున రిజెక్ట్ చేసిన సినిమాల లిస్ట్..!
మెగాస్టార్ చిరంజీవి కెరీర్లో ఆగిపోయిన సినిమాల లిస్ట్..!