Kantara: తెలుగులోనే 50 కోట్లు కొల్లగొట్టిన ‘కాంతార’..

November 2, 2022 / 04:48 PM ISTByFilmy Focus

Join Us

Kantara: తెలుగులోనే 50 కోట్లు కొల్లగొట్టిన ‘కాంతార’..

కంటెంట్ కొత్తగా ఉంటే.. సౌత్ ఆడియన్స్ భాషతో సంబంధం లేకుండా సినిమాలని ఆదరిస్తారు అనే మాటని మరోసారి నిజమని నిరూపించింది రీసెంట్ సెన్సేషన్ ‘కాంతార’.. రిషబ్ శెట్టి నటించడంతో పాటు దర్శకత్వం వహించిన ‘కాంతార’ ఇప్పటివరకు క్రియేట్ చేసిన సెన్సేషన్ అంతా ఇంతా కాదు.. ప్రపంచమంతా పూనకం వచ్చినట్టు ‘కాంతార’ జపం చేసేలా చేశాడు రిషబ్.. బాక్సాఫీస్ దగ్గర జాతర తీసుకొచ్చాడు.. మొదట కన్నడలో బ్లాక్ బస్టర్ టాక్ వచ్చిన తర్వాత ‘కాంతార’ ను మిగతా భాషల్లో విడుదల చేశారు..

అప్పటికే కొంతమంది సెలబ్రిటీలు ‘కాంతార’ మూవీ మాస్టర్ పీస్ అని ప్రశంసిస్తూ పోస్టులు చేశారు. కట్ చేస్తే.. హిందీ, తమిళ్, తెలుగు, మలయాళం లాంగ్వేజెస్‌లో దుమ్ము దులిపేసింది.. ప్రస్తుతం మూడో వారంలోనూ రిపీట్ ఆడియన్స్ థియేటర్లకి వస్తున్నారు..ఇప్పుడు ‘కాంతార’ మరో ఘనత సాధించింది.. ప్రపంచవ్యాప్తంగా ‘కాంతార’ తెలుగు వెర్షన్ అక్షరాలా 50 కోట్ల రూపాయల వసూళ్లతో.. రేర్ ఫీట్ సాధించిందని అధికారికంగా ప్రకటించారు..హిందీలో ‘కార్తికేయ 2’ షాకింగ్ కలెక్షన్స్ రాబట్టి ఆశ్చర్యపరిస్తే..

అతి తక్కువ టైంలోనే ఆ రికార్డుని బీట్ చేసేసింది ‘కాంతార’.. నవంబర్ 1 నాటికి ‘కాంతార’ హిందీ వెర్షన్ 47.55 కోట్లు వసూలు చేసింది.. ఈ మూడో వారంలోనే అక్కడ కూడా 50 కోట్ల మార్క్‌ని టచ్ చెయ్యడానికి రెడీ అయిపోతుంది..కన్నడ ప్రజల సంసృతి, సాంప్రదాయాలను, కళలను, కళాకారుల జీవన విధానాన్ని తెరపై అద్భుతంగా ఆవిష్కరించిన రిషబ్ శెట్టికి ప్రపంచవ్యాప్తంగా ప్రశంసలు దక్కుతున్నాయి.

స్వయంగా సూపర్ స్టార్ రజినీ కాంత్ ఇంటికి పిలిపించుకుని మరీ అభినందించారు. తెలుగులో తనతో సినిమా చేయనున్నట్టు గీత ఆర్ట్స్ అల్లు అరవింద్ అనౌన్స్ చేశారు.. ‘కె.జి.యఫ్’ తర్వాత కన్నడ పరిశ్రమ పేరుని మరోసారి ప్రపంచానికి వినిపించి, కన్నడ సినిమా స్థాయిని పెంచిన రిషబ్ శెట్టి ఇప్పుడు మోస్ట్ వాంటెడ్ యాక్టర్ కమ్ డైరెక్టర్‌గా మారిపోయాడు. దీంతో అతని తర్వాతి సినిమా ఏంటి అనే ఆసక్తి అందరిలోనూ నెలకొంది..

#Kantara *#Hindi version*…
⭐️ Crosses *lifetime biz* of #KGF [Part 1; #Hindi]
⭐️ Week 3 will be higher than Week 1 and Week 2
⭐️ Will cross ₹ 50 cr mark in Week 3
THIS FILM IS TRULY UNSTOPPABLE…
Day-wise data in next tweet… pic.twitter.com/Qbp6pE9iWw

— taran adarsh (@taran_adarsh) November 2, 2022