Hari Hara Veera Mallu: ‘హరిహర వీరమల్లు’ సినిమా రిజల్ట్ ను మార్చడానికి ఆ ఫైట్ సరిపోద్దట..!

పవర్ స్టార్ పవన్ కళ్యాణ్ (Pawan Kalyan) హీరోగా క్రిష్ (Krish Jagarlamudi) దర్శకత్వంలో ‘హరిహర వీరమల్లు’ (Hari Hara Veera Mallu) మొదలైంది. పవన్ కళ్యాణ్ 27 వ ప్రాజెక్టుగా మొదలైన ఈ సినిమా ఇప్పటికీ రిలీజ్ కాలేదు. దాదాపు 5 సార్లు పోస్ట్ పోన్ అయ్యింది. మధ్యలో దర్శకుడు క్రిష్ కూడా తప్పుకోవడం, నిర్మాత ఏ.ఎం.రత్నం కొడుకు రత్నం కృష్ణ (Jyothi Krishna )  దర్శకుడిగా జాయిన్ అవ్వడం జరిగింది. మొత్తానికి మే 9 న ఈ సినిమా రాబోతున్నట్టు మేకర్స్ ప్రకటించారు.

Hari Hara Veera Mallu

ఇదిలా ఉండగా.. ఈ సినిమా గురించి దర్శకుడు రత్నం కృష్ణ ఓ ఆంగ్ల మీడియాతో ముచ్చటించారు. అందులో భాగంగా ఓ ఫైట్ గురించి ఆయన మంచి హై ఇచ్చారు. విషయం ఏంటంటే.. ‘హరిహర వీరమల్లు’ లో ఒక ఫైట్ సీక్వెన్స్ ఉంటుందట. దాని నిడివి దాదాపు 20 నిమిషాలు ఉంటుందట. సినిమాలో అత్యంత కీలకమైన సమయంలో వచ్చే ఫైట్ ఇదని దర్శకుడు రత్నం కృష్ణ తెలిపాడు.

ఈ ఫైట్ వెనుక ఉన్న కథను కూడా ఆయన వివరించారు. ఈ ఫైట్లో దాదాపు 1100 మంది ఆర్టిస్టులు పాల్గొన్నారట. వారందరిపై ఈ ఫైట్ ను చిత్రీకరించినట్టు స్పష్టమవుతుంది. ఈ ఫైట్ కోసం పవన్ కళ్యాణ్ షావోలిన్ కుంగ్ ఫు నేర్చుకున్నారట. సినిమా సెట్స్ లోనే పవన్ కళ్యాణ్ ట్రైన్ అయినట్టు రత్నం కృష్ణ తెలిపారు. 60 రోజుల పాటు ఈ ఫైట్ ను చిత్రీకరించారట.

ఈ ఫైట్ షూట్ చేసినన్ని రోజులు పవన్ కళ్యాణ్ ట్రైనింగ్ తీసుకుంటూనే ఉన్నారని కూడా రత్నం కృష్ణ తెలిపారు. ఈ ఒక్క ఫైట్ ఆడియన్స్ మూడ్ ను కూడా మార్చేస్తుంది అని రత్నం కృష్ణ బలంగా చెప్పారు. ఒకవేళ ఇతను చెప్పింది నిజమే అయితే.. సినిమా రిజల్ట్ ను మార్చడానికి కూడా ఈ ఫైట్ సరిపోతుంది అనుకోవాలి.